"ريو-دە-جانەيرودا ٶتٸپ جاتقان حححٸ وليمپيادا ويىندارىندا بوكستان 56 كەلٸ سالماق دەرەجەسٸندە ٶنەر كٶرسەتەتٸن قازاق بوكسشىسى قايرات ەراليەۆ ٶزٸنٸڭ ەكٸنشٸ جەكپە-جەگٸندە ٶزبەك سپورتشىسى مۋرودجون احماداليەۆتەن جەڭٸلٸپ قالدى", - دەپ جازادى "ۇلت اقپارات".
ٷش راۋند بويى قازاق بوكسشىسى قارسىلاسىنان بٸر باس جوعارى ٶنەر كٶرسەتكەنمەن, تٶرەشٸلەردٸڭ شەشٸمەن كەلەسٸ كەزەڭگە احماداليەۆ شىقتى. قورىتىندى ەسەپ – 3:0 (28:29, 28:29, 28:29).
وسىلايشا, ەراليەۆ وليمپيادا ويىندارىندا جٷلدەگە ٸلٸگە الماعان تٶرتٸنشٸ قازاقستاندىق بوكسشى بولدى. مۇنىڭ الدىندا بٸرجان جاقىپوۆ, بەرٸك ەبدٸراحمانوۆ, ابىلايحان جاقىپوۆ جارىستى ەرتە اياقتاعان ەدٸ.
قايرات وسىنىڭ الدىندا 1/16 فينالدا ەزٸربايجاندىق ەلەم چەمپيونى جابيد چەلەبيەۆتٸ جەڭگەن بولاتىن. بۇل جەكپە-جەكتٸ شەتەلدٸك باسىلىمدار جوعارى باعالاعان ەدٸ. جەرلەسٸمٸزدٸڭ قورعانىسىن ەيگٸلٸ مۇحاممەد ەليمەن سالىستىرعاندار بولدى.
ايتا كەتەيٸك, بوكسشىلارىمىز بيىل العاش رەت وليمپياداعا تولىق قۇرامدا بارعان بولاتىن. كەشە 91 كەلٸدەگٸ ۆاسيليي لەۆيت فينالعا شىقتى. بٷگٸن ۇلتتىق قۇرامانىڭ كاپيتانى 69 كەلٸدەگٸ دانييار ەلەۋسٸنوۆ فينالدىق جولدامانى فرانتسۋز بوكسشىسىمەن ساراپقا سالادى.
ۇلت پورتالى
