"Rio-de-Janeiroda ótip jatqan HHHI Olimpiada oiyndarynda bokstan 56 keli salmaq dárejesinde óner kórsetetin qazaq boksshysy Qairat Eraliev óziniń ekinshi jekpe-jeginde ózbek sportshysy Mýrodjon Ahmadalievten jeńilip qaldy", - dep jazady "Ult aqparat".
Úsh raýnd boiy qazaq boksshysy qarsylasynan bir bas joǵary óner kórsetkenmen, tóreshilerdiń sheshimen kelesi kezeńge Ahmadaliev shyqty. Qorytyndy esep – 3:0 (28:29, 28:29, 28:29).
Osylaisha, Eraliev Olimpiada oiyndarynda júldege ilige almaǵan tórtinshi qazaqstandyq boksshy boldy. Munyń aldynda Birjan Jaqypov, Berik Ábdirahmanov, Abylaihan Jaqypov jarysty erte aiaqtaǵan edi.
Qairat osynyń aldynda 1/16 finalda ázirbaijandyq álem chempiony Jabid Chelebievti jeńgen bolatyn. Bul jekpe-jekti sheteldik basylymdar joǵary baǵalaǵan edi. Jerlesimizdiń qorǵanysyn áigili Muhammed Álimen salystyrǵandar boldy.
Aita keteiik, boksshylarymyz biyl alǵash ret Olimpiadaǵa tolyq quramda barǵan bolatyn. Keshe 91 kelidegi Vasilii Levit finalǵa shyqty. Búgin ulttyq quramanyń kapitany 69 kelidegi Daniiar Eleýsinov finaldyq joldamany frantsýz boksshysymen sarapqa salady.
Ult portaly
