قاي ٶڭٸرلەردە ورازا ۇستاۋشىلار كٶپ ەكەنٸ بەلگٸلٸ بولدى

فوتو: depositphotos.com

29 ناۋرىزدا مۇسىلماندار ٷشٸن قاسيەتتٸ رامازان ايى اياقتالادى. 30 ناۋرىزدا ورازا ايت باستالادى, دەپ حابارلايدى Ult.kz.

قوعامدىق ساياسات ينستيتۋتى 2025 جىلدىڭ 17 اقپانىنان 6 ناۋرىزىنا دەيٸن جٷرگٸزگەن ساۋالناما دەرەكتەرٸنە سەيكەس, رەسپوندەنتتەردٸڭ 38,9%-ى ورازا ۇستاۋ نيەتتەرٸن بٸلدٸرگەن. بۇل كٶرسەتكٸش الدىڭعى جىلدارمەن سالىستىرعاندا جوعارى (2022 جىلى – 35,2%, 2024 جىلى – 32,3%), ياعني 6,6%-عا ٶسكەن.

ايماقتىق تالداۋ نەتيجەلەرٸ بويىنشا, ورازا ۇستاۋشىلاردىڭ ەڭ كٶپ ٷلەسٸ ەلدٸڭ وڭتٷستٸك جەنە باتىس ٶڭٸرلەرٸنە تيەسٸلٸ. كٶشباسشى شىمكەنت قالاسى, مۇندا 80,4% رەسپوندەنت ورازا ۇستاۋعا نيەتتٸ ەكەنٸن ايتقان. سونداي-اق تٷركٸستان (75%), اقتٶبە (58,3%), قىزىلوردا (54,8%) جەنە الماتى (50%) وبلىستارىندا جوعارى كٶرسەتكٸشتەر تٸركەلگەن.

اۋىل تۇرعىندارى اراسىندا ورازا ۇستاۋ دەڭگەيٸ (45,1%) قالا تۇرعىندارىمەن سالىستىرعاندا (35,4%) جوعارى.

جاس ەرەكشەلٸكتەرٸ بويىنشا تالداۋ كٶرسەتكەندەي, رەسپوندەنت جاسى كٸشٸ بولعان سايىن, ورازا ۇستاۋ ىقتيمالدىعى ارتادى. مەسەلەن, 18–29 جاس ارالىعىنداعى جاستاردىڭ 43,5%-ى ورازا ۇستاۋعا دايىن ەكەنٸن ايتسا, بۇل كٶرسەتكٸش 30–45 جاستاعىلاردا – 40,3%, 46–60 جاستاعىلاردا – 37,1%, ال 61 جاستان اسقانداردا – 29,6%.

بۇرىنعىداي, گەندەرلٸك ايىرماشىلىقتار ستاتيستيكالىق تۇرعىدان ەلەۋسٸز: ەرلەردٸڭ 39,5%-ى جەنە ەيەلدەردٸڭ 38,4%-ى اۋىز بەكٸتۋگە دايىن.

ورازا ۇستاۋ جوسپارلارىنا دٸني سەنٸم دەڭگەيٸ ەلەۋلٸ ەسەر ەتەدٸ: دٸن تالاپتارىن قاتاڭ ۇستاناتىن رەسپوندەنتتەر اراسىندا ورازا ۇستاۋ ىقتيمالدىعى جوعارى.

سونداي-اق وتباسىداعى بالالار سانى مەن ورازا ۇستاۋ اراسىنداعى بايلانىس انىقتالدى: بالالار سانى كٶپ بولعان سايىن, اۋىز بەكٸتۋ ىقتيمالدىعى ارتادى.

بٸلٸم دەڭگەيٸ بويىنشا دا ۇقساس ٷردٸس بايقالادى: جوعارى بٸلٸمدٸ رەسپوندەنتتەر اراسىندا ورازا ۇستاۋ ٷلەسٸ جوعارى.

دەگەنمەن, ساۋالناماعا قاتىسقانداردىڭ جارتىسىنان استامى (53,5%) ورازا ۇستاۋدى جوسپارلاماعانىن اتاپ ٶتكەن.