«قازاق ونكولوگييا جەنە راديولوگييا عىلىمي-زەرتتەۋ ينستيتۋتى» اق باسقارما تٶرايىمىنىڭ كلينيكالىق جۇمىس جٶنٸندەگٸ ورىنباسارى نۇرلان بالتابەكوۆ «ٶكپە قاتەرلٸ ٸسٸگٸ. وزىق شەشٸمدەر» تاقىرىبىندا ٶتٸپ جاتقان ونلاين حالىقارالىق كونفەرەنتسييادا قاتەرلٸ ٸسٸكتٸ ەرتە انىقتاپ, ەمدەۋدٸڭ ماڭىزدىلىعى تۋرالى ايتتى, دەپ حابارلايدى قازاقپارات.
نۇرلان بالتابەكوۆ قازاقستاندا ٶكپەنٸڭ قاتەرلٸ ٸسٸگٸ سوڭعى 25 جىل ٸشٸندە قاتەرلٸ ٸسٸك ٶلٸمٸنٸڭ قۇرىلىمىندا بٸرٸنشٸ ورىندا تۇرعانىن اتاپ ٶتتٸ. ەلدەگٸ ەربٸر بەسٸنشٸ ونكولوگييالىق ناۋقاس ٶكپەنٸڭ قاتەرلٸ ٸسٸگٸنەن قايتىس بولادى.
«قاتەرلٸ ٸسٸكتٸڭ اسقىنعان تٷرٸ مەن ەرتە انىقتالعان تٷرٸن ەمدەۋ - بۇل ەكٸ تٷرلٸ باعىت. سونىمەن, ٶكپەنٸڭ قاتەرلٸ ٸسٸگٸنٸڭ بٸرٸنشٸ كەزەڭٸ ۋاقتىلى حيرۋرگييالىق ەمدەۋمەن, ەسٸرەسە ليمفا تٷيٸندەرٸن توراكوسكوپييالىق جولمەن الىپ تاستاۋ پاتسيەنتتەردٸڭ 90% -دان استامىن بەس جىلدان استام ٶمٸر سٷرۋگە مٷمكٸندٸك بەرەدٸ», - نۇرلان بالتابەكوۆ ايتتى.
ول ٶكپەنٸڭ قاتەرلٸ ٸسٸگٸنٸڭ كەيبٸر تٷرلەرٸن, مىسالى, ادەنوكارتسينومامەن اۋىراتىن ناۋقاستاردى ونكولوگتاردىڭ كٶمەگٸمەن جەنە جاڭا تەحنولوگييالاردى ەنگٸزە وتىرىپ امان الىپ قالۋعا بولادى.
«بۇرىن بٸزدە تٶرتٸنشٸ ساتىداعى ٶكپەنٸڭ قاتەرلٸ ٸسٸگٸ بار ناۋقاستار بەس جىل ٶمٸر سٷرە الامايتىن. ماقساتتى ەمدەۋدٸڭ جاڭا تەحنولوگييالارىن ەنگٸزۋ كەيبٸر پاتسيەنتتەرگە, شامامەن 1/4, تٶرتٸنشٸ كەزەڭدە دە ۇزاق ٶمٸر سٷرۋگە مٷمكٸندٸك بەردٸ. بٸراق وسىنداي بٸر ناۋقاستى ەمدەۋ ٷشٸن جىلىنا 40 ملن تەڭگە جۇمسالادى.سوندىقتان ٶكپەنٸڭ قاتەرلٸ ٸسٸگٸن ەرتە دياگنوستيكا ارقىلى انىقتاۋ قاجەت.تەك سول كەزدە عانا مەتاستازداردىڭ پايدا بولۋىنا جول بەرٸلمەيدٸ», - دەدٸ ول.
قاتەرلٸ ٸسٸكتٸ باقىلاۋ جٶنٸندەگٸ حالىقارالىق اگەنتتٸكتٸڭ ٶكٸلٸ دوكتور اندرەا كارۆالو تٶمەن دوزالى كومپيۋتەرلٸك توموگرافييا كٶمەگٸمەن ٶكپە قاتەرلٸ ٸسٸگٸنە سكرينينگ ٶتكٸزۋدٸڭ تيٸمدٸلٸگٸ تۋرالى ايتتى.
«قازٸرگٸ تاڭدا ٶكپە راگىنان بولاتىن ٶلٸمدٸ ازايتۋدىڭ بٸردەن-بٸر جولى ونى ەرتە كەزەڭدە انىقتاۋ بولىپ وتىر. سكرينينگ جٷرگٸزٸلگەندە قاتىسۋشىلاردىڭ 50-70%-دە ٸسٸكتٸڭ ٸ ساتىسى انىقتالادى. سوندىقتان وسىنداي سكرينينگتٸ تەكسەرٸستەردٸ كەشەندٸ تٷردە ٶتكٸزۋ قاجەت. ول ٷشٸن تٶمەن دوزالى كومپيۋتەرلٸك توموگرافييا قولدانىلادى. مەسەلەن, 2020 جىلى وسىنداي سكرينينگتٸڭ ارقاسىندا ٶكپە راگىنىڭ ٸ ساتىسىندا – 58,6%, ٸٸ ساتىسىندا – 9,3%, ٸٸٸ ساتىسىندا – 9,9%, ٸV ساتىسىندا – 9,4%-ى انىقتالعان. كٶرٸپ وتىرعاندارىڭىزداي راكتىڭ 70 پايىزدايى ٸ جەنە ٸٸ ساتىسىندا انىقتالعان, بۇل ەمدەۋگە جاتاتىن كەزەڭ», - دەيدٸ ساراپشى.
ايتا كەتەيٸك, الماتىدا «قازاق ونكولوگييا جەنە راديولوگييا عىلىمي-زەرتتەۋ ينستيتۋتى» اق, «قازاقستاندىق ونكولوگتار قاۋىمداستىعى» قب-نىڭ ۇيىمداستىرۋىمەن ٶتٸپ جاتقان كونفەرەنتسيياعا يتالييا, تٷركييا, يسپانييا, رەسەي, بەلورۋسسييا جەنە قازاقستاننىڭ ونكولوگييالىق ورتالىقتاردىڭ ساراپشىلارى قاتىسىپ جاتىر.
