بٸلٸم جەنە عىلىم مينيسترلٸگٸنٸڭ سايتىندا كٶرسەتٸلگەن ەلەكتروندى وقۋلىقتاردى تەگٸن جٷكتەۋگە بولادى. اقىلى قىزمەتتٸ الىپ تاستادى. بۇل تۋرالى مينيسترلٸككە قاراستى "وقۋلىق" رەسپۋبليكالىق عىلىمي-پراكتيكالىق ورتالىقتىڭ ديرەكتورى عاني بەيسەمباەۆ مەلٸمدەدٸ, دەپ حابارلايدى Sputnik قازاقستان.
بۇعان دەيٸن وقۋشىلاردىڭ اتا-انالارى بٸلٸم جەنە عىلىم مينيسترلٸگٸنٸڭ سايتىندا كٶرسەتٸلگەن ەلەكتروندى وقۋلىقتاردى جٷكتەۋ قىزمەتٸنٸڭ اقىلى بولىپ كەتكەنٸنە شاعىمدانعان بولاتىن. وقۋلىقتاردىڭ تٸزٸمٸ مينيسترلٸك سايتىندا جارييالانسا دا, ولاردى شەتەلدٸك پلاتفورماعا جٷكتەپ قويعان. ال كەز كەلگەن وقۋلىقتىڭ ەلەكتروندى نۇسقاسىن الۋ ٷشٸن اقشا تٶلەۋ كەرەك.
وسى مەسەلە بويىنشا تٷسٸنٸكتەمە بەرگەن "الماتىكiتاپ" باسپاسىنىڭ PR-ديرەكتورى ولگا بۋزۋلۋتسكايا ەلەكتروندى وقۋلىقتاردىڭ تٶتەنشە جاعداي رەجيمٸ كەزٸندە تەگٸن بولعانىن, ال 1 قىركٷيەكتەن باستاپ اقىلى جٷيەگە اۋىستىرىلعانىن جەتكٸزدٸ. سەبەبٸ opiq.kz سايتىن ەستوندىق ماماندار جاساعان.
ەندٸ, ونىڭ تەحنيكالىق جەنە باسقا دا شىعىندارىن ٶتەۋ كەرەك. ال ٸشكٸ كونتەنتتٸڭ يەسٸ – "الماتىكiتاپ" باسپاسى. ەلەكتروندى وقۋلىقتاردى جٷكتەۋ ٷشٸن اقى تٶلەپ, اي-سايىن جازىلىپ تۇرۋ قاجەت نەمەسە مەكتەپكە حابارلاسۋعا بولادى. مەكتەپ پەن باسپا اراسىندا كەلٸسٸمشارت جاسالسا, مۇعالٸمدەر مەن وقۋشىلار ەلەكتروندى وقۋلىقتاردى پايدالانا الادى.
"وقۋلىق" رەسپۋبليكالىق عىلىمي-پراكتيكالىق ورتالىقتىڭ ديرەكتورى عاني بەيسەمباەۆتىڭ ايتۋىنشا, مينيسترلٸك سايتىندا كٶرسەتٸلگەن بارلىق وقۋلىق تەگٸن جٷكتەلەدٸ. "الماتىكiتاپ" باسپاسى بولسا, تەحنيكالىق قاتەلٸك جاساعان.
"بٸلٸم جەنە عىلىم مينيسترلٸگٸنٸڭ سايتىندا كٶرسەتٸلگەن ەلەكتروندى وقۋلىقتاردىڭ بارلىق سٸلتەمەسٸ تەگٸن. تەحنيكالىق سەبەپكە بايلانىستى "الماتىكiتاپ" باسپاسى وقۋلىقتاردى تەگٸن جٷكتەۋ قىزمەتٸن بۇزىپ جٸبەردٸ", – دەيدٸ بەيسەمباەۆ.
قازٸرگٸ كەزدە مينيسترلٸك سايتىندا كٶرسەتٸلگەن وقۋ ماتەريالدارىن تەگٸن جٷكتەۋگە بولادى.
