قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ COVID-19 پاندەميياسىنا قارسى كٷرەسكە ارنالعان جاھاندىق سامميتتە سٶيلەگەن سٶزٸ.
***
«پاندەمييانى توقتاتىپ, قايتا جاڭعىرۋدى جاقسارتۋ»
بۇۇ باس اسسامبلەياسىنىڭ جوعارى دەڭگەيدەگٸ 76-شى سەسسيياسى
پرەزيدەنت مىرزا!
باس حاتشى مىرزا!
قۇرمەتتٸ سامميتكە قاتىسۋشىلار!
حانىمدار مەن مىرزالار!
وسى سامميتتٸ دەر كەزٸندە ۇيىمداستىرعاندارىڭىزعا ريزاشىلىعىمدى بٸلدٸرۋگە رۇقسات ەتٸڭٸزدەر.
ەلەم سوڭعى ونجىلدىقتاردا دەنساۋلىق ساقتاۋ سالاسىنىڭ بۇرىن-سوڭدى بولماعان عالامدىق داعدارىسىنا ۇشىراپ وتىر. سونىڭ سالدارىنان تۋىنداعان ەكونوميكالىق قيىندىقتار تەڭسٸزدٸكتەردٸ ارتتىردى جەنە عالامدىق قوعامداستىقتىڭ شاراسىزدىعىن كٶرسەتتٸ.
قالىپتاسقان جاعداي جان-جاقتى ەرٸ ناقتى شارالار قابىلداۋدى تالاپ ەتەدٸ.
بٸزدٸڭ باستى مٸندەتٸمٸز – شۇعىل تٷردە ۆاكتسيناعا جاھاندىق قولجەتٸمدٸلٸكتٸ ارتتىرۋ بولۋى كەرەك دەپ ويلايمىن.
بۇل عالامدىق ەتيكا مەن بٸرلٸكتٸڭ مەسەلەسٸ. ٶيتكەنٸ ۆاكتسينالارعا قول جەتكٸزۋدەگٸ ەدٸلەتسٸزدٸك حالىقتىڭ دەنساۋلىعىنا نۇقسان كەلتٸرٸپ قانا قويماي, قوعامداعى الشاقتىقتى ودان ەرٸ ۇلعايتا بەرمەك. بٸز ۆاكتسينالاردىڭ ەكٸ ميللياردتان استام دوزاسىمەن قامتاماسىز ەتۋگە جەنە دەنساۋلىققا تٶنگەن جاھاندىق قاتەرلەردەن ۇجىمدىق قورعانىستى جاقسارتۋعا باعىتتالعان جان-جاقتى كٷش جۇمىلدىرۋدى قۇپتايمىز.
دٷنيەجٷزٸلٸك «ۇجىمدىق يممۋنيتەتكە» ٷلەس قوسا وتىرىپ, قازاقستان QazVac ۆاكتسيناسىن جاساۋ ارقىلى ەكپە ويلاپ تاپقان ەلەمدەگٸ العاشقى ون ەلدٸڭ قاتارىنا ەندٸ.
جۋىردا QazVac كوروناۆيرۋستىڭ دەلتا شتاممىنا تٶتەپ بەرە الاتىنداي كٷشەيتٸلدٸ.
بٷگٸندە قازاقستان حالقىنىڭ 31 پايىزى ەكپەنٸ تولىق الدى. ازاماتتارىمىز ەركٸن تاڭداۋ جاساۋى ٷشٸن ۆاكتسينانىڭ بٸرنەشە تٷرٸن جەتكٸلٸكتٸ دەڭگەيدە ۇسىنىپ وتىرمىز.
وسى سامميتتٸڭ پايدالى يدەيالارى مەن ماقساتتارىن جٷزەگە اسىرۋ ٷشٸن بٸز ناقتى ٸشكٸ جوسپارلارىمىز بەن مٸندەتتەمەلەرٸمٸزدٸ ەزٸرلەدٸك.
قازاقستاندا ۇلتتىق بيولوگييالىق قاۋٸپسٸزدٸك جٷيەسٸن قۇرۋدىڭ زاڭنامالىق نەگٸزٸ ەزٸرلەنگەن. بٸز حالىقارالىق ستاندارتتارعا سەيكەس كەلەتٸن بيولوگييالىق قاتەرلەردٸ بولجاۋعا ارنالعان كەشەندٸ ەرٸ جوعارى تەحنولوگييالىق قۇرىلىم جاساقتاۋعا ۇمتىلامىز.
اقش باسشىلىعىنىڭ كٷش-جٸگەرٸ مەن پرەزيدەنت بايدەننٸڭ «ەلەمدٸ جاقسارتۋ» جاھاندىق باستاماسى اياسىندا سەرٸكتەستٸكتٸ دامىتۋ ارقىلى ۇجىمدىق ٸس-قيمىلداردى قامتاماسىز ەتۋگە ۇمتىلىسىن جوعارى باعالايمىز.
سوندىقتان قازاقستان سٸزدٸڭ ۇسىنىپ وتىرعان مٸندەتتەردٸ بەكٸتۋ تۋرالى كٶزقاراسىڭىزبەن كەلٸسە وتىرىپ, وسى ماقساتقا قول جەتكٸزۋ ٷشٸن ٶز ٷلەسٸن قوسۋعا دايىن.
بٸزدٸڭ تەجٸريبەمٸزگە جەنە عىلىمي زەرتتەۋلەرگە سٷيەنە وتىرىپ, كەشەندٸ شارالاردى جٷزەگە اسىرۋ جٶنٸندە بٸرقاتار باستامالاردى اتاپ ٶتكٸم كەلەدٸ.
بٸرٸنشٸدەن, عالامدىق دەڭگەيدەگٸ ەلەۋەتتٸ ارتتىرۋعا نازار اۋدارۋىمىز كەرەك.
بٸزگە دٷنيەجٷزٸلٸك دەنساۋلىق ساقتاۋ ۇيىمى بەكٸتكەن العاشقى مەديتسينالىق-سانيتارلىق كٶمەك سالاسىنداعى الماتى دەكلاراتسيياسىنىڭ نەگٸزگٸ قاعيداتتارىن ناسيحاتتاۋ قاجەت.
بٸز بولاشاقتا بيولوگييالىق اپاتتار مەن داعدارىستاردىڭ الدىن الۋ ٷشٸن كٷش بٸرٸكتٸرۋٸمٸز كەرەك. وسىنى ەسكەرە وتىرىپ, بىلتىر مەن بيولوگييالىق قاۋٸپسٸزدٸك جٶنٸندەگٸ حالىقارالىق اگەنتتٸك قۇرۋ تۋرالى باستاما كٶتەردٸم. بارلىق مٷددەلٸ تاراپتارمەن تەجٸريبەلٸك كونسۋلتاتسييالار جٷرٸپ جاتىر. بٸز سەرٸكتەستەردٸ وسى باستامانى قولداۋعا شاقىرامىز.
ەكٸنشٸدەن, جاھاندىق تۋريزم مەن بيزنەسكە COVID-19 پاندەميياسىمەن كٷرەستە كٶمەكتەسۋ ٷشٸن ۆاكتسينا سەرتيفيكاتتارىن ٶزارا مويىنداۋ باعىتىندا جۇمىس ٸستەۋ ماڭىزدى.
مەديتسينالىق سەرتيفيكاتتار پاندەمييادان كەيٸنگٸ كەزەڭدە جۇمىستى قاۋٸپسٸز قايتا قالپىنا كەلتٸرۋگە, ەكونوميكانىڭ تەز وڭالۋىنا جەنە جاڭا جۇمىس ورىندارىنىڭ اشىلۋىنا ىقپال ەتەدٸ.
ٷشٸنشٸدەن, بٸز COVID-19 ۆاكتسينالارىنا دەگەن سەنٸمدٸ ارتتىرۋ ٷشٸن ەلەۋمەتتٸك جەلٸلەردٸڭ قۇرالدارىن قولدانۋىمىز كەرەك.
ماسس-مەدياداعى عىلىمي نەگٸزدەلگەن اقپاراتتاردىڭ تاپشىلىعىنان قوعامدا كٷمەن نەمەسە سەنٸمسٸزدٸك بار. بٸز حالىقتىڭ ۆاكتسيناعا دەگەن سەنٸمٸن ارتتىرۋ ٷشٸن تٷسٸندٸرۋ جۇمىستارىندا ناقتى دەرەكتەرگە سٷيەنۋٸمٸز كەرەك.
بٸز شىنىمەن دە جاقسى ەلەم قۇرۋىمىز كەرەك, سونىمەن قاتار ەدٸل, ورنىقتى, ەكولوگييالىق تازا جەنە ٸزگٸلٸككە نەگٸزدەلگەن «جاڭا ەلەم» قالىپتاستىرعان ابزال.
راقمەت!
