فوتو: اقوردا
بٷگٸن مەملەكەت باسشىسى قاسىم-جومارت توقاەۆتىڭ تٶراعالىعىمەن جاساندى ينتەللەكتٸنٸ (جي) دامىتۋ مەسەلەلەرٸنە ارنالعان كەڭەس ٶتتٸ. جيىنعا پرەمەر-مينيستر ولجاس بەكتەنوۆ, پرەزيدەنت ەكٸمشٸلٸگٸنٸڭ باسشىسى ايبەك دەدەباي, ٷكٸمەت مٷشەلەرٸ مەن ورتالىق مەملەكەتتٸك ورگانداردىڭ باسشىلارى قاتىستى, دەپ حابارلايدى Ult.kz.
پرەزيدەنت جي-دٸڭ جاھاندىق تەحنولوگييالىق ٶزگەرٸستەردٸڭ باستى قوزعاۋشى كٷشٸنە اينالعانىن اتاپ ٶتٸپ, بۇل سالادا قازاقستاننىڭ ايقىن جەنە باتىل قادامدار جاساۋى قاجەت ەكەنٸن ايتتى.
— جاساندى ينتەللەكت قازٸر بارلىق ەلدٸڭ دامۋ قارقىنىنا تٸكەلەي ەسەر ەتەدٸ. ونسىز جاھاندىق بەسەكەدە العا شىعۋ مٷمكٸن ەمەس. UNCTAD بولجامى بويىنشا, 2033 جىلعا قاراي جي نارىعى 4,8 تريلليون دوللارعا جەتەدٸ. بۇل – بٸزدٸڭ ەلٸمٸز ٷشٸن جاڭا مٷمكٸندٸكتەر كەزەڭٸ, — دەدٸ مەملەكەت باسشىسى.
قاسىم-جومارت توقاەۆ اقش پەن قىتايدىڭ بۇل باعىتتاعى ستراتەگييالىق باستامالارىن اتاپ ٶتٸپ, قازاقستاننىڭ دا ەۋرازيياداعى تسيفرلىق حابقا اينالۋىن ماقسات ەتۋٸ كەرەك ەكەنٸن جەتكٸزدٸ. ول بٸرىڭعاي ۇلتتىق تسيفرلىق ەكوجٷيە قۇرۋ ٸسٸن جەدەلدەتۋ, زاڭنامالىق جەنە ينفراقۇرىلىمدىق نەگٸز دايىنداۋ, مەلٸمەتتەردٸ جيناۋ جٷيەسٸن جەتٸلدٸرۋ مٸندەتتەرٸن قايتا ەسكە سالدى.
پرەزيدەنت جي-دٸڭ ەلدٸڭ يننوۆاتسييالىق دامۋى مەن تسيفرلىق دەربەستٸگٸ ٷشٸن ستراتەگييالىق رٶلٸن اتاپ, ٷكٸمەتكە ستراتەگييالىق جوسپارلاۋ اگەنتتٸگٸمەن بٸرلەسٸپ جاساندى ينتەللەكتٸنٸ دامىتۋ جەنە تسيفرلىق ترانسفورماتسيياعا ارنالعان كەشەندٸ باعدارلاما ەزٸرلەۋدٸ تاپسىردى. بۇل قۇجاتقا حالىقارالىق ساراپشىلاردى تارتۋ جوسپارلانىپ وتىر.
كەڭەس بارىسىندا مەملەكەت باسشىسى مەملەكەتتٸڭ تسيفرلىق ساياساتىنا ارقاۋ بولاتىن توعىز باسىم باعىتتى بەلگٸلەدٸ. سونىڭ ٸشٸندە جي-دٸ ەكونوميكانىڭ ناقتى سەكتورىنا ەنگٸزۋ, ٸرٸ كەسٸپورىندارمەن سەرٸكتەستٸك ورناتۋ جەنە جىل سوڭىنا دەيٸن ٶندٸرٸستٸك ٷدەرٸستەردە جي قولدانۋدىڭ ناقتى تيٸمدٸ ٷلگٸلەرٸن ۇسىنۋ قاجەتتٸگٸن ەرەكشە اتاپ ٶتتٸ.
ونىڭ ايتۋىنشا, قازاقستان الداعى بەس جىلدا تولىققاندى تسيفرلىق مەملەكەتكە اينالۋى تيٸس.
