فوتو: اقوردا
قازاقستان پرەزيدەنتٸ باۋىرلاس قىرعىز رەسپۋبليكاسىنا رەسمي ساپارمەن كەلۋگە شاقىرعانى ٷشٸن سادىر جاپاروۆقا العىس ايتتى, دەپ حابارلايدى Ult.kz.
– بۇل ساپار ەكٸ ەل اراسىنداعى دوستىق قاتىناستىڭ دامۋىنا تىڭ سەرپٸن بەرەدٸ دەپ سەنەمٸن. شىن مەنٸندە, قازاق پەن قىرعىز – تٸلەكتەس, باۋىرلاس ەلدەر. بٸزدٸڭ تاريحىمىز – تامىرلاس, سالت-دەستٷرٸمٸز بەن تانىم-تٷسٸنٸگٸمٸز, ۇلتتىق بولمىسىمىز ۇقساس. قوس حالىقتىڭ تاتۋلىعى مەن ٶزارا قۇرمەتٸ ەشقاشان ٷزٸلگەن ەمەس. قازٸر دە ىقپالداستىعىمىز ستراتەگييالىق سەرٸكتەستٸك رۋحىندا قارقىندى دامۋدا. بٸز بارلىق دەڭگەيدە ٶزارا قۇرمەتكە نەگٸزدەلگەن ساياسي ديالوگ ورناتتىق. مەملەكەتارالىق, پارلامەنتارالىق جەنە ٷكٸمەتارالىق كەڭەستەرٸمٸز تابىستى جۇمىس ٸستەپ كەلەدٸ. سونداي-اق ٶڭٸرارالىق بايلانىستاردى دامىتىپ جاتىرمىز. جالپى, ەكٸ ەلدٸڭ اراسىندا جان-جاقتى ەرٸ تىعىز ىنتىماقتاستىق ورناعان, – دەدٸ قاسىم-جومارت توقاەۆ.
مەملەكەت باسشىسى قىرعىزستان پرەزيدەنتٸنٸڭ ەكٸجاقتى ىقپالداستىقتى جاڭا دەڭگەيگە كٶتەرۋگە زور ٷلەس قوسقانىنا نازار اۋداردى.
– مەن مۇنى جوعارى باعالايمىن. قاجىرلى ەڭبەگٸڭٸزدٸڭ ارقاسىندا قىرعىزستاندا كٶپتەگەن وڭ ٶزگەرٸس بولىپ جاتىر. سٸز حالىقتىڭ ەل-اۋقاتىن جاقسارتۋدى كٶزدەيتٸن ماڭىزدى باستامالاردى جٷزەگە اسىرىپ كەلەسٸز. ەل ەكونوميكاسىنىڭ جىل باسىنان بەرٸ 11,7 پايىزعا ٶسۋٸ – وسىنىڭ ايقىن دەلەلٸ. بٸز باۋىرلاس ەلدٸڭ بارلىق جەتٸستٸكتەرٸنە قۋانامىز. قىرعىزستانمەن اراداعى ىنتىماقتاستىقتى بارىنشا نىعايتۋعا ايرىقشا مەن بەرەمٸز, – دەدٸ مەملەكەت باسشىسى.
سادىر جاپاروۆ شاقىرۋىن قابىل الىپ, قىرعىزستانعا رەسمي ساپارمەن كەلگەنٸ ٷشٸن قازاقستان پرەزيدەنتٸنە ريزاشىلىعىن جەتكٸزدٸ.
– سٸزدٸ قىرعىزستاندا كٶرنەكتٸ مەملەكەت قايراتكەرٸ جەنە حالىقارالىق دەڭگەيدەگٸ تەجٸريبەلٸ ديپلومات رەتٸندە بٸلەدٸ. سوڭعى جىلدارى سٸزدٸڭ قولداۋىڭىزبەن ەكٸ ەلدٸڭ قارىم-قاتىناسى جاڭا دەڭگەيگە ٶتٸپ, دوستىعىمىز بەن باۋىرلاستىعىمىزدىڭ بەكەمدەلە تٷسۋٸ بٸزدٸ قۋانتادى. قازاق ەلٸ – بٸز ٷشٸن ەرەكشە ەل. بٸزدٸڭ مەمٸلەلەرٸمٸز توقتوعۇل مەن ابايداي, شىڭعىس پەن مۇحتارداي اتالارىمىز سالعان ٸزبەنەن جالعاسقان. تاريحي مۇرامىزدى ۇمىتپاي, كەلەشەك بۋىنعا جەتكٸزۋدٸ نەگٸزگٸ ماقساتىمىز دەپ ەسەپتەيمٸن. ٶز تاراپىمنان ٶزارا قارىم-قاتىناسىمىزدى ودان ەرٸ ٸلگەرٸلەتۋگە دايىنمىن. بٸزدٸڭ نەگٸزگٸ كٷشٸمٸز – ەكٸ ەلدٸڭ ىنتىماعى مەن بٸرلٸگٸ, – دەدٸ قىرعىزستان پرەزيدەنتٸ.
بۇدان بٶلەك, كەلٸسسٶز بارىسىندا تاراپتار ساياسي, كٶلٸك-ترانزيت, سۋ, اگرارلىق جەنە تسيفرلاندىرۋ سالالارىنداعى ىقپالداستىقتى نىعايتۋ مەسەلەلەرٸن تالقىلادى.
مەدەني-گۋمانيتارلىق بايلانىستاردى ٶرٸستەتۋگە ەرەكشە مەن بەرٸلدٸ. سونىمەن قاتار ٶڭٸرلٸك جەنە حالىقارالىق كٷن تەرتٸبٸ قاراستىرىلدى.
