فوتو: اقوردا
قاسىم-جومارت توقاەۆ كورەيا رەسپۋبليكاسى پرەزيدەنتٸنٸڭ ارناۋلى ٶكٸلٸ – پرەزيدەنت ەكٸمشٸلٸگٸنٸڭ باسشىسى كان حۋن شيكتٸ قابىلدادى, دەپ حابارلايدى Ult.kz.
مەملەكەت باسشىسى كورەيا رەسپۋبليكاسى قازاقستاننىڭ نەگٸزگٸ ستراتەگييالىق سەرٸكتەستەرٸنٸڭ بٸرٸ سانالاتىنىنا نازار اۋدارىپ, ەكٸجاقتى ىقپالداستىق قارقىنىنا جوعارى باعا بەردٸ.
پرەزيدەنت قازاقستاننىڭ كورەي حالقىنا جەنە كورەيا رەسپۋبليكاسىنىڭ دامۋ دەڭگەيٸنە قۇرمەتپەن قارايتىنىن اتاپ ٶتٸپ, استانا ەكٸ ەل اراسىنداعى كەڭەيتٸلگەن ستراتەگييالىق سەرٸكتەستٸكتٸ ودان ەرٸ نىعايتۋعا نيەتتٸ ەكەنٸن راستادى.
قاسىم-جومارت توقاەۆ كان حۋن شيكتٸڭ ارناۋلى ٶكٸل رەتٸندە ەلٸمٸزگە جاساعان ساپارىنىڭ ماڭىزدىلىعىنا توقتالدى جەنە كورەيا رەسپۋبليكاسىنىڭ پرەزيدەنتٸ لي چجە ميوڭگە ىستىق لەبٸزٸن جولدادى.
– سٸزدٸڭ ساپارىڭىز قازاق-كورەي ىقپالداستىعىن ودان ەرٸ نىعايتۋ تۇرعىسىنان ٶتە ماڭىزدى. بٸرلەسكەن كٷش-جٸگەردٸڭ ارقاسىندا ەلدەرٸمٸزدٸڭ ىنتىماقتاستىعى ارتا تٷسەتٸنٸنە سەنٸمدٸمٸن, – دەدٸ مەملەكەت باسشىسى.
كان حۋن شيك قوناقجايلىق تانىتقانى ٷشٸن ريزاشىلىق بٸلدٸرٸپ, قازاقستاننىڭ جاڭا كونستيتۋتسيياسىن قابىلداۋ بويىنشا رەفەرەندۋمنىڭ تابىستى ٶتۋٸنە وراي پرەزيدەنت لي چجە ميوڭنٸڭ قۇتتىقتاۋىن جەتكٸزدٸ.
ارناۋلى ٶكٸل كورەيا رەسپۋبليكاسىنىڭ ساۋدا-ەكونوميكالىق جەنە ينۆەستيتسييالىق بايلانىستاردى كٷشەيتۋ, سونداي-اق تٷرلٸ سالادا بٸرلەسكەن جوبالاردى ٸسكە اسىرۋ ارقىلى ٶزارا قارىم-قاتىناستى مٷلدەم جاڭا دەڭگەيگە شىعارۋعا ايرىقشا ماڭىز ارتاتىنىن مەلٸمدەدٸ.
ەڭگٸمەلەسۋ بارىسىندا ەكٸجاقتى كٷن تەرتٸبٸندەگٸ كٶپتەگەن مەسەلە, سونىڭ ٸشٸندە جاھاندىق نارىقتاعى قازٸرگٸ سىن-قاتەرلەرگە بايلانىستى ەنەرگەتيكا, كٶلٸك-لوگيستيكا سالالارىندا ىقپالداستىق اياسىن كەڭەيتۋ پەرسپەكتيۆاسى تالقىلاندى.
كەزدەسۋ سوڭىندا كان حۋن شيك پرەزيدەنت لي چجە ميوڭنٸڭ قازاقستان پرەزيدەنتٸن كورەيا رەسپۋبليكاسىنا ساپارمەن كەلۋگە جەنە بيىل قىركٷيەك ايىندا سەۋلدە ٶتەتٸن «ورتالىق ازييا – كورەيا رەسپۋبليكاسى» سامميتٸنە قاتىسۋعا شاقىراتىنىن ايتتى.
قاسىم-جومارت توقاەۆ وڭتٷستٸك كورەيا كٶشباسشىسىنىڭ شاقىرۋىن ىقىلاسپەن قابىل الدى. مەملەكەت باسشىسى جوعارى دەڭگەيدە ٶتەتٸن الداعى كەلٸسسٶزدەر ەكٸ ەل ىنتىماقتاستىعىن جانداندىرىپ, ورتالىق ازييا – كورەيا رەسپۋبليكاسى فورماتىنداعى ىقپالداستىقتى ارتتىرۋعا وڭ سەپتٸگٸن تيگٸزەتٸنٸنە سەنٸم بٸلدٸردٸ.
