فوتو: قر وام
مەملەكەت باسشىسى بارسەلونا قالاسىندا ٶتكەن حالىقارالىق STEM وليمپياداسىندا, سونداي-اق بٸرٸككەن اراب ەمٸرلٸكتەرٸندە ۇيىمداستىرىلعان حيمييا پەنٸنەن حالىقارالىق وليمپيادادا جەڭٸسكە جەتكەن قازاقستاندىق وقۋشىلارعا قۇتتىقتاۋ جەدەلحاتىن جولدادى, دەپ حابارلايدى Ult.kz.
قاسىم-جومارت توقاەۆ مۇنى ەلٸمٸزدٸڭ ابىروي-بەدەلٸن ارتتىرا تٷسەتٸن تاريحي جەتٸستٸك رەتٸندە باعالادى.
"بۇل – قازاقستاندا بٸلٸم بەرۋ سالاسى قارقىندى دامىپ كەلە جاتقانىنىڭ ايقىن دەلەلٸ. مەملەكەت جاستاردىڭ ساپالى بٸلٸم, تاعىلىمدى تەربيە الۋىنا ەردايىم باسا مەن بەرەدٸ. ەلٸمٸز سٸزدەردٸ ماقتان تۇتادى. جارقىن جەڭٸستەرٸڭٸز كٶپ بولسىن!" – دەپ جازدى پرەزيدەنت.
ايتا كەتەيٸك, حالىقارالىق حيمييا وليمپياداسىندا (International Chemistry Olympiad, IChO-2025) ەلٸمٸزدٸڭ اتىنان قاتىسقان تٶرت وقۋشىنىڭ بەرٸ جٷلدەگە يە بولدى, ونىڭ ەكەۋٸ – التىن مەدال.
وليمپيادا 5-14 شٸلدە ارالىعىندا بٸرٸككەن اراب ەمٸرلٸكتەرٸندە ٶتتٸ. ەلەمنٸڭ 93 ەلٸنەن 360-تان استام وقۋشى قاتىسقان بۇل زيياتكەرلٸك دودادا قازاقستان ۇلتتىق قۇراماسىنداعى تٶرت وقۋشى تاماشا نەتيجە كٶرسەتٸپ, ەلٸمٸزدٸڭ جاس حيميكتەرٸنٸڭ كٶشباسشىلىق مەرتەبەسٸن تاعى بٸر مەرتە دەلەلدەدٸ.
- كيريلل كيم — استانا قالاسىنداعى نازارباەۆ زيياتكەرلٸك مەكتەبٸنٸڭ 12-سىنىپ وقۋشىسى;
- ابىلاي كابدۋلحادىر — استانا قالاسىنداعى نازارباەۆ زيياتكەرلٸك مەكتەبٸنٸڭ 12-سىنىپ وقۋشىسى;
- ەڭلٸك باقىتبەكوۆا — الماتى قالاسىنداعى نازارباەۆ زيياتكەرلٸك مەكتەبٸنٸڭ 12-سىنىپ وقۋشىسى;
- اڭسار جاقسىلىقوۆ — اقتٶبە وبلىسىنداعى «بٸلٸم-يننوۆاتسييا» ليتسەيٸنٸڭ 10-سىنىپ وقۋشىسى.
ۇلتتىق قۇراماعا عىلىمي جەتەكشٸلٸك ەتكەن:
- سانجار بەگداير – Korea Advanced Institute of Science and Technology (KAIST) ماگيسترانتى, حالىقارالىق جەنە رەسپۋبليكالىق وليمپيادالاردىڭ جەڭٸمپازى;
- رينات يليۋسيزوۆ – بٸرنەشە مەرتە حالىقارالىق جەنە رەسپۋبليكالىق وليمپيادا جەڭٸمپازى.
وقۋ-اعارتۋ مينيسترٸ عاني بەيسەمباەۆ بٸزدٸڭ وقۋشىلارىمىزدىڭ جەتٸستٸگٸ - قازاقستاندىق بٸلٸمدٸڭ ەلەمدەگٸ بيٸك مەرتەبەسٸن تاعى بٸر مەرتە دەلەلدەگەنٸن اتاپ ٶتتٸ.
بۇل وليمپيادا ەلەمدەگٸ ەڭ بەدەلدٸ جەتٸ حالىقارالىق وليمپيادالاردىڭ قاتارىنا ەنەدٸ. قازاقستان رەسپۋبليكاسى پرەزيدەنتٸنٸڭ تاپسىرماسى نەگٸزٸندە التىن مەدال ٷشٸن – 1 500 اەك, كٷمٸس مەدال ٷشٸن – 1 000 اەك, قولا مەدال ٷشٸن – 500 اەك كٶلەمٸندە اقشالاي سىياقى قاراستىرىلعان. جەتەكشٸ ۇستازدارعا دا ىنتالاندىرۋ تٶلەمدەرٸ كٶزدەلگەن. ەسكە سالساق, بىلتىر IChO-2024 وليمپياداسىندا قازاقستاندىق وقۋشىلار 2 التىن, 1 كٷمٸس جەنە 1 قولا مەدال جەڭٸپ العان بولاتىن.
