فوتو: اقوردا
مەملەكەت باسشىسى قاسىم-جومارت توقاەۆ قازاقستان حالقىن تەۋەلسٸزدٸك كٷنٸمەن قۇتتىقتادى. بۇل تۋرالى اقوردانىڭ باسپاسٶز قىزمەتٸ جارييالادى.
— قۇرمەتتٸ وتانداستار! تەۋەلسٸزدٸك كٷنٸ قۇتتى بولسىن!
بۇل مەرەكەنٸڭ ەلٸمٸز ٷشٸن مەن-ماڭىزى ايرىقشا. وسى كٷنٸ حالقىمىز قازاقستاندى ەگەمەن ەل رەتٸندە دامىتۋ جولىندا ەرٸكتٸ ەرٸ تٷپكٸلٸكتٸ تاڭداۋ جاسادى.
تەۋەلسٸزدٸك بەرٸنەن قىمبات! بٸز بابالار رۋحىنا تاعزىم ەتٸپ, ٶسكەلەڭ ۇرپاق الدىنداعى تاريحي جاۋاپكەرشٸلٸكتٸ سەزٸنە وتىرىپ, وسى ۇستانىمعا ادال بولامىز.
ازاماتتارىمىزدىڭ ىرىستى ىنتىماعىنىڭ, ٶزارا قولداۋىنىڭ جەنە جاسامپاز ەڭبەگٸنٸڭ, سونداي-اق قوعامداعى تۇراقتىلىق پەن كەلٸسٸمنٸڭ ارقاسىندا قازاقستان تەۋەلسٸزدٸكتٸ نىعايتۋ ٸسٸندە ەلەۋلٸ جەتٸستٸكتەرگە قول جەتكٸزدٸ. قازٸر بٷكٸل ەلەم جىلدام ٶزگەرٸپ جاتىر. تٷرلٸ سىناقتارمەن قاتار, تىڭ مٷمكٸندٸكتەرگە تولى جاڭا تاريحي دەۋٸر باستالدى.
مۇنداي جاعدايدا بٸز جاس جەنە وزىق ويلى ۇلت رەتٸندە بولاشاققا زور ٷمٸتپەن جەنە نىق سەنٸممەن قاراپ, بەرەكەلٸ بٸرلٸگٸمٸزدٸ ساقتاۋىمىز كەرەك. ەلٸمٸزدٸڭ جاھاندىق دەڭگەيدەگٸ بەدەلٸ مەن بەسەكەگە قابٸلەتٸن ارتتىرىپ, قازاقستاندى كٶركەيگەن مەملەكەت رەتٸندە دامىتۋ ٷشٸن ايانباي ەڭبەك ەتۋٸمٸز قاجەت.
قازٸر جٷزەگە اسىرىلىپ جاتقان اۋقىمدى رەفورمالاردىڭ نەتيجەسٸندە زور تابىسقا جەتەمٸز دەپ سەنەمٸن. جان-جاقتى جاڭعىرۋعا باعىتتالعان ستراتەگييالىق باعدارىمىزدان اۋىتقىماي, ەدٸلەتتٸ, كٷشتٸ, تازا, قاۋٸپسٸز قازاقستاندى قۇرامىز.
بارشاڭىزعا مول باقىت, باق-بەرەكە جەنە تولاعاي تابىس تٸلەيمٸن!
قاستەرلٸ تەۋەلسٸزدٸگٸمٸز مەڭگٸ بولسىن, — دەلٸنگەن مەملەكەت باسشىسىنىڭ قۇتتىقتاۋىندا.
