فوتو: اقوردا
قاسىم-جومارت توقاەۆ قازاقستاندىقتاردى ورازا ايت مەرەكەسٸمەن قۇتتىقتادى. بۇل تۋرالى اقوردانىڭ باسپاسٶز قىزمەتٸ حابارلادى.
مەملەكەت باسشىسى قاسىم-جومارت توقاەۆتىڭ ورازا ايت مەرەكەسٸمەن قۇتتىقتاۋى.
قادٸرلٸ وتانداستار!
ورازا ايت مەرەكەسٸ قۇتتى بولسىن!
بۇل – بٷكٸل مۇسىلمان قاۋىمى ٷشٸن مەن-ماڭىزى ەرەكشە, قاسيەتتٸ مەرەكە. وسى مەيرامدا رۋحاني تازارۋ مەن پاراساتتىلىق, سابىرلىق پەن قاناعاتشىلدىق, ٶزارا سىيلاستىق پەن تٸلەكتەستٸك, جاناشىرلىق پەن جاقسىلىق قۇندىلىقتارى دەرٸپتەلەدٸ.
وتىز كٷن ورازا تۇتقان جۇرت يمانىن بايىتىپ, كەمەلدٸككە ۇمتىلادى. تٶزٸمٸن شىڭداپ, تٶڭٸرەگٸنە قامقورلىق تانىتادى. يگٸ ٸستەرگە ۇيىتقى بولىپ, مۇقتاج جاندارعا قول ۇشىن سوزادى.
اتا دەستٷرٸمٸز بەن اسىل دٸنٸمٸز ەلدٸڭ بٸرلٸگٸن نىعايتىپ, قوعامنىڭ بەرەكەسٸن ارتتىراتىن يگٸ امالدار جاساۋعا ٷندەيدٸ.
بيىل ورازا ايت مەيرامى ناۋرىز مەرەكەسٸمەن قاتار كەلٸپ, ەل دامۋىنداعى جاڭا تاريحي كەزەڭنٸڭ جارشىسىنا اينالدى. مۇنىڭ سيمۆولدىق مەنٸ زور.
قازاقستان حالقى جاڭا اتا زاڭدى قابىلداپ, جارقىن بولاشاققا, ەدٸلەتتٸلٸك پەن ٶركەندەۋگە باستايتىن جولدى تاڭدادى. كونستيتۋتسييالىق رەفورمانى جاپپاي قولداۋ ارقىلى ۇلت تاريحىنىڭ جاڭا پاراعىن اشتى.
بارشاڭىزعا زور دەنساۋلىق, باق-بەرەكە, تولايىم تابىس تٸلەيمٸن!
ەلٸمٸز امان, جەرٸمٸز تىنىش بولسىن!
ورازا ايت قابىل بولسىن!
