Foto: Aqorda
Qasym-Jomart Toqaev qazaqstandyqtardy Oraza ait merekesimen quttyqtady. Bul týraly Aqordanyń baspasóz qyzmeti habarlady.
Memleket basshysy Qasym-Jomart Toqaevtyń Oraza ait merekesimen quttyqtaýy.
Qadirli otandastar!
Oraza ait merekesi qutty bolsyn!
Bul – búkil musylman qaýymy úshin mán-mańyzy erekshe, qasietti mereke. Osy meiramda rýhani tazarý men parasattylyq, sabyrlyq pen qanaǵatshyldyq, ózara syilastyq pen tilektestik, janashyrlyq pen jaqsylyq qundylyqtary dáripteledi.
Otyz kún oraza tutqan jurt imanyn baiytyp, kemeldikke umtylady. Tózimin shyńdap, tóńiregine qamqorlyq tanytady. Igi isterge uiytqy bolyp, muqtaj jandarǵa qol ushyn sozady.
Ata dástúrimiz ben asyl dinimiz eldiń birligin nyǵaityp, qoǵamnyń berekesin arttyratyn igi amaldar jasaýǵa úndeidi.
Biyl Oraza ait meiramy Naýryz merekesimen qatar kelip, el damýyndaǵy jańa tarihi kezeńniń jarshysyna ainaldy. Munyń simvoldyq máni zor.
Qazaqstan halqy Jańa Ata zańdy qabyldap, jarqyn bolashaqqa, Ádilettilik pen Órkendeýge bastaityn joldy tańdady. Konstitýtsiialyq reformany jappai qoldaý arqyly ult tarihynyń jańa paraǵyn ashty.
Barshańyzǵa zor densaýlyq, baq-bereke, tolaiym tabys tileimin!
Elimiz aman, jerimiz tynysh bolsyn!
Oraza ait qabyl bolsyn!
