فوتو: اقوردا
مەملەكەت باسشىسى قاسىم-جومارت توقاەۆ قازاقستاندىقتاردى قاسيەتتٸ رامازان ايىنىڭ باستالۋىمەن قۇتتىقتادى, دەپ حابارلايدى Ult.kz.
پرەزيدەنت ٶز قۇتتىقتاۋىندا رامازان ايىنىڭ كٷللٸ مۇسىلمان قاۋىمىن رۋحاني تازارۋعا, جاناشىرلىق پەن قامقورلىققا ٷندەيتٸن ەرەكشە كەزەڭ ەكەنٸن اتاپ ٶتتٸ. ونىڭ ايتۋىنشا, ورازا شىدامدىلىق پەن تٶزٸمدٸلٸكتٸ نىعايتىپ, قاراپايىمدىلىق, جاۋاپكەرشٸلٸك جەنە ادالدىق سەكٸلدٸ اسىل قاسيەتتەردٸ دەرٸپتەيدٸ.
مەملەكەت باسشىسى قازٸرگٸ كٷردەلٸ جاھاندىق احۋال جاعدايىندا رامازاننىڭ رۋحاني قۇندىلىقتارىن تەرەڭ تٷسٸنٸپ, كەمەل سانادا قابىلداۋدىڭ ماڭىزدىلىعىنا توقتالدى.
"بٷگٸندە قازاقستان اۋقىمدى ٶزگەرٸستەردٸڭ, تٷبەگەيلٸ جاڭعىرۋدىڭ تاريحي كەزەڭٸنە قادام باستى. جاڭا حالىقتىق كونستيتۋتسييانىڭ جوباسى رەسپۋبليكالىق رەفەرەندۋمعا شىعارىلدى. بۇل ٶرلەۋ جەنە ەدٸلەتتٸلٸك داڭعىلىنا تٷسكەن مەملەكەتٸمٸزدٸڭ دامۋ باعىتىن ايقىندايتىن نەگٸزگٸ زاڭ بولماق.
باس قۇجات مىڭداعان جىل تاريحى بار مەملەكەتتٸلٸگٸمٸزدٸ ودان ەرٸ نىعايتۋعا, ەلٸمٸزدەگٸ ساياسي, ازاماتتىق, ەكونوميكالىق ينستيتۋتتاردىڭ تيٸمدٸلٸگٸن ارتتىرۋعا جەنە ادام قۇقىقتارىن قورعاۋ جٷيەسٸن جەتٸلدٸرٸپ, كٷشەيتۋگە جول اشادى.
بٸز دەستٷرلٸ رۋحاني-مەدەني قۇندىلىقتارىمىزدى قاستەرلەي وتىرىپ, قۇقىق پەن زاڭ ٷستەمدٸگٸ, تەرتٸپ پەن تازالىق, ەدٸلدٸك پەن وتانشىلدىق سيياقتى مىزعىماس قاعيداتتاردى تەرەڭ تٷسٸنەتٸن ەرٸ مٷلتٸكسٸز ساقتايتىن ۇلتتىڭ جاڭا بولمىسىن قالىپتاستىرىپ جاتىرمىز. مۇنىڭ بەرٸ قاسيەتتٸ رامازان ايىنىڭ مەڭگٸلٸك ۇلاعاتىمەن تولىق ٷندەسەدٸ.
بٸلٸمگە, تازالىققا جەنە جاقسىلىققا باستايتىن ٶركەنيەتتٸ قوعامدا رامازان ايى جاڭا رۋحاني مەنگە يە بولىپ, بارشا جۇرتقا شاپاعاتىن تيگٸزەتٸنٸ سٶزسٸز.
قاسيەتتٸ رامازان قۇتتى بولسىن, مۇسىلمان جاماعاتى!", - دەلٸنگەن جازبادا
