Foto: Aqorda
Memleket basshysy Qasym-Jomart Toqaev qazaqstandyqtardy qasietti Ramazan aiynyń bastalýymen quttyqtady, dep habarlaidy Ult.kz.
Prezident óz quttyqtaýynda Ramazan aiynyń kúlli musylman qaýymyn rýhani tazarýǵa, janashyrlyq pen qamqorlyqqa úndeitin erekshe kezeń ekenin atap ótti. Onyń aitýynsha, oraza shydamdylyq pen tózimdilikti nyǵaityp, qarapaiymdylyq, jaýapkershilik jáne adaldyq sekildi asyl qasietterdi dáripteidi.
Memleket basshysy qazirgi kúrdeli jahandyq ahýal jaǵdaiynda Ramazannyń rýhani qundylyqtaryn tereń túsinip, kemel sanada qabyldaýdyń mańyzdylyǵyna toqtaldy.
"Búginde Qazaqstan aýqymdy ózgeristerdiń, túbegeili jańǵyrýdyń tarihi kezeńine qadam basty. Jańa halyqtyq Konstitýtsiianyń jobasy respýblikalyq referendýmǵa shyǵaryldy. Bul órleý jáne ádilettilik dańǵylyna túsken memleketimizdiń damý baǵytyn aiqyndaityn Negizgi Zań bolmaq.
Bas qujat myńdaǵan jyl tarihy bar memlekettiligimizdi odan ári nyǵaitýǵa, elimizdegi saiasi, azamattyq, ekonomikalyq institýttardyń tiimdiligin arttyrýǵa jáne adam quqyqtaryn qorǵaý júiesin jetildirip, kúsheitýge jol ashady.
Biz dástúrli rýhani-mádeni qundylyqtarymyzdy qasterlei otyryp, Quqyq pen Zań ústemdigi, Tártip pen Tazalyq, Ádildik pen Otanshyldyq siiaqty myzǵymas qaǵidattardy tereń túsinetin ári múltiksiz saqtaityn ulttyń jańa bolmysyn qalyptastyryp jatyrmyz. Munyń bári qasietti Ramazan aiynyń máńgilik ulaǵatymen tolyq úndesedi.
Bilimge, tazalyqqa jáne jaqsylyqqa bastaityn órkenietti qoǵamda Ramazan aiy jańa rýhani mánge ie bolyp, barsha jurtqa shapaǵatyn tigizetini sózsiz.
Qasietti Ramazan qutty bolsyn, musylman jamaǵaty!", - delingen jazbada
