كاسپيي تەڭٸزٸ جاعالاۋىنداعى قىزىل جالىن «اقجايىق» تابيعي رەزەرۆاتىنداعى ٶرتكە ۇلاستى.
اتىراۋ وبلىستىق تجد باسپاسٶز قىزمەتٸنٸڭ حابارلاۋىنشا, اتىراۋ قالاسىنان 20 شاقىرىم جەردە كاسپيي تەڭٸزٸنٸڭ جاعالاۋىندا 22 تامىزدا باستالعان ٶرت ەلٸ سٶندٸرٸلگەن جوق. بالقۋرايلار جانىپ جاتىر.
24 تامىز كٷنٸ ٶرت جەلمەن «اقجايىق» تابيعي رەزەرۆاتىنا اۋىسقان. رەزەرۆات قىزمەتكەرلەرٸ قىزىل جالىندى اۋىزدىقتاۋعا كٸرٸستٸ.
بۇعان دەيٸن حابارلاعانىمىزداي, اتىراۋدا كاسپيي تەڭٸزٸنٸڭ جاعالاۋىندا قىزىل جالىن شارپىعان اۋماق ارتىپ جاتىر.
ٶرت سٶندٸرۋشٸلەر جالىندى سٶندٸرۋگە ەرەكەت ەتكەنمەن, باتپاقتىڭ سالدارىنان جاقىنداي الماعان.
