فوتو: Pexels.com
ماڭعىستاۋ وبلىسىنىڭ تٷپقاراعان اۋدانىندا كاسپيي تەڭٸزٸ جاعالاۋىنان جٷز ەلۋگە جۋىق يتبالىق ٶلٸ تابىلدى. جانۋارلاردىڭ جاپپاي قىرىلۋىنىڭ ناقتى سەبەبٸ ەلٸ انىقتالعان جوق, دەپ حابارلايدى Orda.kz.
باۋتينو اۋىلى جانىنان ٶلٸ يتبالىقتاردىڭ جٷزدەن استام ٶلەكسەسٸ تابىلعانىن بلوگەر جەنە قوعام بەلسەندٸسٸ ازامات سەرسەنباەۆ Instagram پاراقشاسىندا حابارلادى. ونىڭ ايتۋىنشا, ولاردىڭ سانى بٸرنەشە جٷزگە جەتۋٸ مٷمكٸن.
«جاقىندا بولعان داۋىلدان كەيٸن جاعالاۋعا جٷزدەگەن قىزىل كٸتاپقا ەنگەن يتبالىقتاردىڭ ٶلەكسەسٸ شىعىپ قالدى. قازٸرگٸ تاڭدا عالىمدار تەك 151 ٶلەكسەنٸ ساناپ شىقتى», – دەپ اتاپ ٶتتٸ ازامات سەرسەنباەۆ.
ٶلٸ جانۋارلاردى عالىمدار تاپقان. ولار كەيبٸر يتبالىقتاردىڭ دەنەسٸندە مەحانيكالىق زاقىمدانۋلار بار ەكەنٸن ايتتى. قىزىل كٸتاپقا ەنگەن اتالعان سٷتقورەكتٸلەردٸڭ ناقتى قىرىلۋ سەبەبٸ انىقتالىپ جاتىر.
بۇل ماڭعىستاۋ وبلىسىندا سۋ جانۋارلارىنىڭ جاپپاي قىرىلۋىنىڭ العاشقى جاعدايى ەمەس. بٸرنەشە كٷن بۇرىن كاسپيي جاعالاۋىندا ٷش ٶلٸ يتبالىق تابىلسا, كٶكتەمدە دە ونداعان ٶلٸ جانۋارلار جاعالاۋعا شىعىپ قالعان ەدٸ.
