اتىراۋ وبلىسىندا كاسپيي تەڭٸزٸندە جوعالىپ كەتكەن بالىقشىلاردى قۇتقاردى, دەپ حابارلايدى "ۇلت اقپارات".
«4 جەلتوقسان كٷنٸ يساتاي اۋدانىندا, زابۋرنە اۋىلىنان 25 شاقىرىم قاشىقتىقتا, كاسپيي تەڭٸزٸ جاعالاۋىنان شامامەن 16 شاقىرىم جەردە 10 بالىقشىنىڭ مۇز ٷستٸندە قالعانى بەلگٸلٸ بولدى. اۋا رايىنىڭ قولايسىزدىعىنان ولار جاعاعا قايتا الماعان. ٸزدەۋ-قۇتقارۋ جۇمىستارىنا جەرگٸلٸكتٸ اتقارۋشى ورگاندار, تجد قىزمەتكەرلەرٸ, پوليتسييا دەپارتامەنتٸ, ۇقك شق 2201 «گ» ەسكەري بٶلٸمٸ قاتىستى. جالپى 7 تەحنيكا مەن جەكە قۇرامداعى 20 ادام اتسالىستى. كەشكە قاراي بالىقشىلار تابىلىپ, جاعاعا جەتكٸزٸلدٸ», - دەپ حابارلادى اتىراۋ وبلىستىق تجد باسپاسٶز قىزمەتٸ.
قۇتقارىلعان بالىقشىلارعا مەديتسينالىق كٶمەك قاجەت بولعان جوق.
