كاسپيي تەڭٸزٸندە قازاقستاندىق بالىقشىلارعا شەكتەۋلەر بولمايدى. بۇل تۋرالى سەناتتىڭ جالپى وتىرىسىندا تيٸستٸ زاڭ جوباسىن تالقىلاۋ كەزٸندە مەلٸم بولدى, دەپ حابارلايدى قازاقپارات.
ايتا كەتەيٸك, سەناتتا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كاسپيي تەڭٸزٸندە قىزمەتتٸ جٷزەگە اسىرۋعا بايلانىستى مەسەلەلەر بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭىنىڭ جوباسى بٸرٸنشٸ وقىلىمدا قارالدى.
«مەنٸڭ سۇراعىم ەكولوگييا, گەولوگييا جەنە تابيعي رەسۋرستار مينيسترلٸگٸ مەن قر ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸنٸڭ ٶكٸلدەرٸنە ارنالادى. ٶزدەرٸڭٸزگە مەلٸم بولعانداي, اتىراۋ وبلىسىنىڭ تۇرعىندارى ٷشٸن بالىق شارۋاشىلىعىنىڭ دامۋى ٶتە ماڭىزدى مەسەلە بولىپ تابىلادى. الايدا, بالىق اۋلاۋ ايماقتارىندا بالىق كووپەراتيۆتەرٸ مەن شەكارا قىزمەتٸ ورگاندارى اراسىندا بٸرقاتار تٷسٸنٸسپەۋشٸلٸكتەر جيٸ كەزدەسٸپ تۇرادى. بۇل زاڭ جوباسىندا بالىقشىلاردىڭ مٷددەلەرٸ قانشالىقتى ەسكەرٸلگەن? سونىمەن قاتار, جوباداعى نورمالار ەلٸمٸزدٸڭ بالىق اۋلاۋ سالاسىنىڭ دامۋىنا قالاي ەسەر ەتپەك?», - دەپ سۇرادى سەناتور ساعىندىق لۇقپانوۆ.
ٶز كەزەگٸندە قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸك قوجانييازوۆ زاڭ جوباسى اياسىندا بالىقشىلارعا ەشقانداي شەكتەۋلەر بولمايتىنىن اتاپ ٶتتٸ.
«كەرٸسٸنشە بالىقشىلاردىڭ مٷددەلەرٸ قورعالادى, ياعني كاسپيي تەڭٸزٸندە بٸزدٸڭ بالىق اۋلاۋ اۋماعى ۇلعايادى. سونىمەن قوسا, بالىق اۋلاۋ كەڭٸستٸگٸ پايدا بولىپ وتىر, ول ون ميل تٶڭٸرەگٸندە بولادى. زاڭدا بالىق اۋلاۋعا, تەڭٸزگە شىعۋعا تەك قانا كٷننٸڭ جارىق كەزٸندە جول بەرٸلسە, وسى قۇجاتتىڭ اياسىندا ٶزگەرٸس ەنگٸزٸلٸپ, بالىق اۋلايتىن تەڭٸز قۇرالدارىنا تٷنگٸ ۋاقىتتا دا جٷرۋگە رۇقسات بەرٸلمەك», - دەدٸ س. قوجانييازوۆ
سونىمەن قاتار قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى – شەكارا قىزمەتٸنٸڭ ديرەكتورى دارحان دٸلمانوۆ اتىراۋ جەنە ماڭعىستاۋ وبلىستارى بالىق اۋلاۋ شارۋاشىلىقتارى مەن جاعالاۋ كٷزەتٸ بٶلٸمشەلەرٸنٸڭ ٶزارا ٸس-قيمىلى مەسەلەسٸ تۇراقتى باقىلاۋدا ەكەنٸن جەتكٸزدٸ.
«بٸز وسى مەسەلەلەردٸ ٷنەمٸ رەتتەپ كەلەمٸز, سونداي-اق بالىق اۋلاۋ شارۋاشىلىقتارى پايداسىنا شەشٸم جاسايمىز. 2020 جىلى بالىق اۋلاۋعا تەڭٸزگە شىعاتىن قازاقستاننىڭ 7 مىڭ ازاماتى تٸركەلدٸ. زاڭ جوباسى بويىنشا بالىق اۋلاۋ شارۋاشىلىقتارى ەندٸ تەۋلٸك بويى جۇمىس ٸستەي الادى», – دەدٸ د. دٸلمانوۆ.
