كاسپيي قۇبىر جەلٸسٸ كونسورتسيۋمى تولىق كٶلەمدە جۇمىس ٸستەپ تۇر. بۇل تۋرالى ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«كاسپيي قۇبىر جەلٸسٸ كونسورتسيۋمىنداعى جۇمىس جالعاسىپ جاتىر. وسى ورايدا, ەكٸ جىلجىمالى ايلاق قوندىرعىسى ٸسكە قوسىلعان, ياعني سەۋٸر ايىنىڭ سوڭىندا جٶندەۋ جۇمىستارى اياقتالدى. بۇل ٶز كەزەگٸندە مۇناي قۇبىرلارىنىڭ قۋاتتىلىعىن 100 پايىز قامتاماسىز ەتۋگە جەتكٸلٸكتٸ. تاعى بٸر اپاتتى بولعان جىلجىمالى ايلاق قوندىرعىسى جٶندەۋدە تۇر. اتاپ ايتقاندا, بۇل قوندىرعى وسىعان دەيٸن جوسپارلى جٶندەۋگە تاپسىرىلۋى تيٸس ەدٸ. سوندىقتان ونداعى جۇمىستار جالعاسادى», - دەدٸ اقشولاقوۆ.
مينيستر كاسپيي قۇبىر جەلٸسٸ كونسورتسيۋمى تولىق كٶلەمدە جۇمىس ٸستەپ تۇرعانىن ناقتىلادى. ول ٷشٸن جىلجىمالى ايلاق قوندىرعىسى مامىر ايىندا تولىق جٶندەۋدەن ٶتەتٸن بولادى.
