سەمەي قالاسىنىڭ ەكٸمٸ ەرماك سەلٸموۆ «سەمەي-نوۆوسٸبٸر» باعىتىنداعى ٶرتەنگەن اۆتوبۋستان 48 جولاۋشىنى قۇتقارعان ەرجان امارحانوۆپەن كەزدەستٸ, دەپ حابارلايدى "ۇلت اقپارات".
ەسكە سالا كەتەيٸك, تامىزدىڭ 4-ٸنەن 5-ٸنە قاراعان تٷنٸ «سەمەي - نوۆوسٸبٸر» باعىتىنداعى جولاۋشىلار اۆتوبۋسى ٶرتكە ورانعان بولاتىن. سول اۆتوبۋستا وتىرعان 37 جاستاعى سەمەيلٸك ەرجان تٸلسٸز جاۋدان 48 جولاۋشىنى جالعىز ٶزٸ قۇتقاردى. ول ادامداردى سىرتقا شىعارىپ, جانتالاسىپ جٷرگەندە ونىڭ قۇجاتتارى مەن كٶلٸك ساتىپ الۋ ٷشٸن الىپ شاققان 1,4 ملن تەڭگەدەن استام اقشاسى جانىپ كەتتٸ.
قالا باسشىسى بەيبٸت كٷننٸڭ باتىرىن جەكە قابىلدادى. ەرماك بيداحمەتۇلى ازاماتتىق, ەرلٸك تانىتقان ٷشٸن ەرجانعا ريزاشىلىعىن بٸلدٸردٸ.
«ساعان ازاماتتىق كٶرسەتكەنٸڭ ٷشٸن العىس ايتامىن. ناعىز ەر جٸگٸتكە تەن قاسيەت تانىتتىڭ. كەز-كەلگەن ادام ٶز باسىن قاتەرگە تٸگٸپ, ەرلٸك جاساي بەرمەيدٸ», - دەدٸ قالا ەكٸمٸ.
قازٸرگٸ ۋاقىتتتا جانىپ كەتكەن بارلىق قۇجاتتارىن رەسٸمدەۋ بويىنشا جۇمىستار جٷرٸپ جاتىر. نوۆوسٸبٸر قالاسىنان كٶلٸك الۋعا دەپ جيناعان قوماقتى قارجىسىنىڭ جانىپ كەتۋٸنە بايلانىستى, جەرگٸلٸكتٸ كەسٸپكەر «گوردورستروي» جشس ديرەكتورى باۋىرجان قايرامباەۆ 1 ميلليون تەڭگە بەردٸ.
قالا ەكٸمٸ ەرماك سەلٸموۆ ونىڭ جەكە ٶمٸرٸ, وتباسى تۋرالى بٸلٸپ, جەرگٸلٸك بيلٸك كٶمەك كٶرسەتۋگە دايىن ەكەنٸن جەتكٸزدٸ.
بٷگٸندە ەرجان بوس ۋاقىتىندا جاس سپورتشىلاردى كٷرەسكە جاتتىقتىرۋمەن اينالىسادى. بۇل باعىتتاعى جۇمىستارىنا الداعى ۋاقىتتتا ەرماك بيداحمەتۇلى قولداۋ بٸلدٸرەتٸنٸن ايتتى.
