اتىراۋ وبلىسىنا جۇمىس ساپارى اياسىندا قر پرەمەر-مينيسترٸ اسقار مامين قاشاعان كەن ورنىندا ٸلەسپە گاز ٶڭدەۋ زاۋىتىن سالۋ مەسەلەسٸ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قارجىلاندىرۋ مەسەلەسٸ, مەملەكەتتٸك قولداۋ شارالارى, گاز تەڭگەرٸمٸ جەنە اتالعان جوبانى ٸسكە اسىرۋدان كٷتٸلەتٸن نەتيجە تۋرالى قر ۇلتتىق ەكونوميكا مينيسترٸ رۋسلان دەلەنوۆ, ەنەرگەتيكا مينيسترٸ نۇرلان نوعاەۆ جەنە اتىراۋ وبلىسىنىڭ ەكٸمٸ ماحامبەت دوسمۇحامبەتوۆ, مەملەكەتتٸك ورگاندار مەن ۇلتتىق كومپانييالاردىڭ باسشىلارى باياندادى.
قاشاعان كەن ورنىندا ٸلەسپە گاز ٶڭدەۋ زاۋىتىن سالۋ جوباسىن 2021 جىلدىڭ سوڭىنا دەيٸن اتىراۋ وبلىسىنىڭ ماقات اۋدانىندا, «بولاشاق» مۇناي جەنە گازدى كەشەندٸ دايىنداۋ قوندىرعىسىنان سولتٷستٸك-شىعىسقا قاراي 12 شاقىرىم جەردە جەنە ەسكەنە تەمٸرجول ستانتسيياسىنان وڭتٷستٸككە قاراي 5 شاقىرىم جەردە ٸسكە اسىرۋ كٶزدەلگەن. جوبالىق قۋاتتىلىعى — جىلىنا 1 ملرد تەكشە مەتر. ينۆەستور — «GPC Investment» جشس. ينۆەستيتسييا كٶلەمٸ - 860 ملن دوللار.
«قاشاعان كەن ورنىندا ٸلەسپە گازدى ٶڭدەۋ زاۋىتىن سالۋ ەلٸمٸز ٷشٸن ماڭىزدى جوبا. ول كەن ورنىندا مۇناي ٶندٸرۋدٸ 12 ملن تونناعا ارتتىرۋعا, سونداي-اق قۇرىلىس كەزەڭٸندە 2800 ۋاقىتشا جەنە پايدالانۋعا بەرٸلگەن سوڭ 600 تۇراقتى جۇمىس ورنىن قۇرۋعا مٷمكٸندٸك بەرەدٸ», — دەدٸ ا. مامين.
ٷكٸمەت باسشىسى زاۋىت ٶنٸمٸ ٸشكٸ جەنە سىرتقى نارىقتارعا شىعارىلاتىنىن اتاپ ٶتتٸ.
«ٶتكەن جىلدىڭ قازان ايىنان باستاپ اتالعان جوبانى جان-جاقتى زەردەلەدٸك. بٷگٸنگٸ وتىرىستى زاۋىتتى سالۋ تۋرالى شەشٸم قابىلدايتىن قورىتىندى جيىن رەتٸندە قاراستىرۋ قاجەت», — دەدٸ ا. مامين.
اتىراۋ وبلىسىنا جۇمىس ساپارى اياسىندا پرەمەر-مينيستر, سونىمەن قاتار مۇناي-گاز سالاسى ٷشٸن جابدىقتار مەن قۇراۋىشتاردى ٶندٸرەتٸن كەسٸپورىندار — «كاسپيي پليۋس», «International Pipeline Structure Solutions Caspian», «Caspian Contractors Trust Atyrau» جشس-ىن ارالادى.
