كاسپيي تەڭٸزٸنٸڭ قازاقستاندىق سەكتورىنداعى «قاشاعان» كەن ورنىنان 14,1 ميلليون توننادان استام مۇناي ەكسپورتتالدى, دەپ حابارلايدى "ۇلت اقپارات".
اتىراۋ وبلىسىنداعى ٸرٸ كەن ورنىنىڭ قاتارىندا «قاشاعان» دا بار. بۇل كەن ورنىن يگەرۋ جوباسىنىڭ وپەراتورى – NCOC كومپانيياسى. تەڭٸز مۇنايى 2016 جىلدان بەرٸ جاساندى ارالداردا ٶندٸرٸلەدٸ.
«2019 جىلى «قاشاعان» كەن ورنىنان ٶندٸرٸلگەن 14,1 ميلليون توننادان استام مۇناي ەكسپورتتالدى. سونداي-اق, شەتەل نارىعىنا جٸبەرٸلگەن گاز كٶلەمٸ 3,5 ميللياردتان اسا تەكشە مەتردٸ قۇرادى. ال, ەكسپورتتالعان كٷكٸرت 1 ميلليون 207 مىڭ توننادان استى» دەپ حابارلادى NCOC كومپانيياسىنىڭ باسپاسٶز قىزمەتٸ.
