فوتو: اشىق دەرەككٶز
قازاقستاندا الاياقتاردىڭ جاڭا سحەمالارى انىقتالىپ, ازاماتتارعا ەسكەرتۋ جاسالدى, دەپ حابارلايدى Ult.kz. بۇل تۋرالى قارجىلىق مونيتورينگ اگەنتتٸگٸ مەلٸم ەتتٸ.
اگەنتتٸك مەلٸمەتٸنشە, الاياقتار رەسمي ٶكٸلدەردٸڭ بەينەسٸن قولدانا وتىرىپ, ديپفەيك ۆيدەولار تاراتۋدا. وندا «ينۆەستوردىڭ» جالعان وقيعاسى كٶرسەتٸلٸپ, باستاپقى سالىمنان كەيٸن تابىس ٶسٸپ جاتقانداي ەسەر قالدىرىلادى. الايدا قاراجاتتى شەشٸپ الۋ ٷشٸن تٷرلٸ كوميسسييالار, سالىقتار مەن «تەكسەرٸستەر» تٶلەۋ تالاپ ەتٸلەدٸ. بٸرنەشە تٶلەم جاساعاننان كەيٸن دە پايدالانۋشىلار ٶز اقشاسىنا قول جەتكٸزە المايدى.
سونىمەن قاتار الاياقتار بۇعاتتالعان قاراجاتتى بانك نەمەسە رەتتەۋشٸ ورگاندار ارقىلى قايتارۋعا بولاتىنىن ايتىپ, قولدانۋشىلاردى ارنايى سٸلتەمەلەرگە ٶتۋدٸ ۇسىنادى. «تولىعىراق» باتىرماسى «حالىق زاڭگەرٸ» اتتى چاتقا باعىتتاپ, وندا جالعان حات الماسۋ ارقىلى سەنٸمگە كٸرۋ ەرەكەتتەرٸ جاسالادى.
بۇدان بٶلەك, اگەنتتٸك اتىنان جالعان سايتتار قۇرىلىپ, وندا «جەبٸرلەنۋشٸلەردٸڭ اقشاسىن قايتارۋ» تۋرالى اقپارات تاراتىلادى. مۇنداي سايتتارعا كٸرگەن كەزدە پايدالانۋشىلاردان ساۋالناما تولتىرۋ سۇرالىپ, كەيٸن جەكە مەلٸمەتتەرٸن ەنگٸزۋ ۇسىنىلادى.
مامانداردىڭ ايتۋىنشا, مۇنداي سايتتار مەن فورمالاردىڭ بارلىعى – الاياقتىق سحەمانىڭ بٸر بٶلٸگٸ. ولار ازاماتتاردىڭ جەكە دەرەكتەرٸن جيناپ, قاراجاتتى يەمدەنۋگە باعىتتالعان.
اگەنتتٸك ازاماتتاردى ساق بولۋعا, كٷمەندٸ سٸلتەمەلەرگە ٶتپەۋگە جەنە اقپاراتتى تەك رەسمي دەرەككٶزدەر ارقىلى تەكسەرۋگە شاقىرادى.
قاجەت بولعان جاعدايدا ازاماتتار 1458 نٶمٸرٸ ارقىلى بايلانىس ورتالىعىنا نەمەسە تۇرعىلىقتى جەرٸندەگٸ ەكونوميكالىق تەرگەپ-تەكسەرۋ دەپارتامەنتٸنە جٷگٸنە الادى.
