Foto: ashyq derekkóz
Qazaqstanda alaiaqtardyń jańa shemalary anyqtalyp, azamattarǵa eskertý jasaldy, dep habarlaidy Ult.kz. Bul týraly Qarjylyq monitoring agenttigi málim etti.
Agenttik málimetinshe, alaiaqtar resmi ókilderdiń beinesin qoldana otyryp, dipfeik videolar taratýda. Onda «investordyń» jalǵan oqiǵasy kórsetilip, bastapqy salymnan keiin tabys ósip jatqandai áser qaldyrylady. Alaida qarajatty sheship alý úshin túrli komissiialar, salyqtar men «tekserister» tóleý talap etiledi. Birneshe tólem jasaǵannan keiin de paidalanýshylar óz aqshasyna qol jetkize almaidy.
Sonymen qatar alaiaqtar buǵattalǵan qarajatty bank nemese retteýshi organdar arqyly qaitarýǵa bolatynyn aityp, qoldanýshylardy arnaiy siltemelerge ótýdi usynady. «Tolyǵyraq» batyrmasy «halyq zańgeri» atty chatqa baǵyttap, onda jalǵan hat almasý arqyly senimge kirý áreketteri jasalady.
Budan bólek, agenttik atynan jalǵan saittar qurylyp, onda «jábirlenýshilerdiń aqshasyn qaitarý» týraly aqparat taratylady. Mundai saittarǵa kirgen kezde paidalanýshylardan saýalnama toltyrý suralyp, keiin jeke málimetterin engizý usynylady.
Mamandardyń aitýynsha, mundai saittar men formalardyń barlyǵy – alaiaqtyq shemanyń bir bóligi. Olar azamattardyń jeke derekterin jinap, qarajatty iemdenýge baǵyttalǵan.
Agenttik azamattardy saq bolýǵa, kúmándi siltemelerge ótpeýge jáne aqparatty tek resmi derekkózder arqyly tekserýge shaqyrady.
Qajet bolǵan jaǵdaida azamattar 1458 nómiri arqyly bailanys ortalyǵyna nemese turǵylyqty jerindegi ekonomikalyq tergep-tekserý departamentine júgine alady.
