قارجىلىق قاۋٸپسٸزدٸك: پرەزيدەنتتٸڭ قارجىلىق مونيتورينگ اگەنتتٸگٸنە تاپسىرماسى

فوتو: اقوردا

قازاقستان پرەزيدەنتٸ قاسىم-جومارت توقاەۆ قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتى قابىلداپ, اگەنتتٸك قىزمەتٸنٸڭ نەگٸزگٸ نەتيجەلەرٸ مەن الداعى جوسپارلارىمەن تانىستى, دەپ حابارلايدى Ult.kz. 

نەگٸزگٸ نەتيجەلەر:

• 300 قىلمىستىق ٸس تەرگەلٸپ, اياقتالعان.

• 20 ملرد تەڭگە كٶلەمٸندە زارداپ شەككەن ازاماتتارعا ٶتەماقى قايتارىلعان.

• قارجى پيراميدالارىنا قاتىسى بار 2,2 ملرد تەڭگە كريپتوۆاليۋتا بۇعاتتالدى.

• ۇيىمداسقان 6 قىلمىستىق توپ جويىلدى, ونىڭ ٸشٸندە ترانسۇلتتىق توپ بار.

• ٸرٸ جوبالارداعى 23 ملرد تەڭگە بيۋدجەت قاراجاتىنىڭ ماقساتسىز جۇمسالۋىنا جول بەرٸلمەدٸ.

ەكسپورت جەنە ٸشكٸ نارىقتاعى تۇراقتىلىق:

اگەنتتٸك اعاش پەن تەمٸردٸڭ زاڭسىز ەكسپورتىن توقتاتىپ, جانار-جاعارمايدى زاڭسىز تاسىمالداۋ سحەماسىن جويدى. بۇل شارالار ٸشكٸ نارىقتاعى جاعدايدى تۇراقتاندىرۋعا ىقپال ەتتٸ.
قازٸرگٸ ۋاقىتتا پارلامەنت مەجٸلٸسٸندە كٸرٸستەردٸ جىلىستاتۋعا قارسى زاڭنامالىق تٷزەتۋلەر قارالۋدا. ولار قابىلدانعان جاعدايدا, قازاقستان FATF ستاندارتتارىنا تولىق ساي بولماق.

ازاماتتاردىڭ مٷددەسٸن قورعاۋ:

• 327 مىڭ ازامات زاڭسىز شاعىن قارجى ۇيىمدارىنىڭ قۇربانى بولعان. جالپى زالال 30 ملرد تەڭگەنٸ قۇرادى.

• 24 قارجى پيراميداسى جويىلىپ, 5,6 مىڭ سايت بۇعاتتالدى.

• 22 مىڭنان استام قاتىسۋشىسى بار توپتىق چاتتار مەن اككاۋنتتار جابىلدى.

پروفيلاكتيكالىق جۇمىس:

• قارجىلىق قاۋٸپسٸزدٸك تاقىرىبىندا 567 مىڭ وقۋشى مەن 100 مىڭنان استام ستۋدەنتكە ساباق ٶتكٸزٸلدٸ.

پرەزيدەنت تاپسىرماسى:

• ەكونوميكالىق قۇقىق بۇزۋشىلىقتاردىڭ الدىن الۋ.

• كٶلەڭكەلٸ اينالىمنىڭ ٷلەسٸن ازايتۋ.

• زاڭسىز يەلەنگەن اكتيۆتەردٸ جىلىستاتۋعا قارسى كٷرەستٸ كٷشەيتۋ.

• حالىقتىڭ قارجىلىق ساۋاتىن ارتتىرۋ.

بۇل نەتيجەلەر قازاقستاننىڭ قارجىلىق قاۋٸپسٸزدٸگٸن نىعايتۋداعى ماڭىزدى قادام بولىپ تابىلادى. اگەنتتٸك جۇمىسىنىڭ تيٸمدٸلٸگٸ قوعامنىڭ ەل-اۋقاتىن قورعاۋعا باعىتتالعان ناقتى شارالاردا كٶرٸنٸس تاپتى.