فوتو: ماقسات شاعىرباەۆ / Kazinform
قازاقستان رەسپۋبليكاسىنىڭ باس پروكۋراتۋراسى جەنە ٸشكٸ ٸستەر مينيسترلٸگٸنٸڭ قىزمەتكەرلەرٸ سىرتقى ٸستەر مينيسترلٸگٸنٸڭ كٶمەگٸمەن قارجى پيراميداسىن قۇرعانى جەنە باسقارعانى ٷشٸن قىلمىستىق جاۋاپتىلىققا تارتۋ ماقساتىندا كٷدٸكتٸنٸ گرۋزييادان ەكستراديتسييالادى, دەپ حابارلايدى «ۇلت اقپارات» باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
«ونىڭ قۇرعان قىلمىستىق توبى 2020 جىلى ماڭعىستاۋ وبلىسىندا „Plus Capital“ قارجى پيراميداسىن ۇيىمداستىرىپ, 600-دەن استام سالىمشىنىڭ جالپى سوماسى 3 ملرد. تەڭگەدەن استام اقشالاي قاراجاتىن, جىلجىمالى جەنە جىلجىمايتىن مٷلٸكتەرٸن زاڭسىز يەمدەنگەن», –دەلٸنگەن حابارلامادا.
قىلمىستىق توپ مٷشەلەرٸنٸڭ بٸر بٶلٸگٸ تٷرلٸ جازا تٷرلەرٸنە سوتتالدى, ال كٷدٸكتٸ قىلمىس جاساعاننان كەيٸن جاسىرىنعان, سوعان بايلانىستى حالىقارالىق ٸزدەستٸرۋگە جارييالاندى. 2023 جىلعى قاراشادا ول گرۋزييا اۋماعىندا ۇستالدى.
«قازٸرگٸ ۋاقىتتا كٷدٸكتٸ اقتاۋ قالاسىنداعى ۋاقىتشا ۇستاۋ يزولياتورىنا قامالدى. وسى قىلمىستى جاساعانى ٷشٸن مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 7جىلدان 12 جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلعان», — دەپ حابارلادى پروكۋراتۋرا.
