سولتٷستٸك قازاقستان وبلىسىندا قارتتار كٷنٸنە وراي اۋىلدىق وكرۋگتەر زەينەتكەرلەرٸنٸڭ اراسىندا سپارتاكيادا ٶتتٸ, دەپ حابارلايدى قازاقپارات.
قىزىلجار اۋدانى بەسكٶل اۋىلىندا زەينەتكەرلەر اراسىندا ٶتكەن سپارتاكيادا – دەستٷرلٸ. بىلتىر ٸندەتكە بايلانىستى كەزدەسە الماعان اتا-ەجەلەر, بۇل سپارتاكيادانى اسىعا كٷتكەن ەكەن. ارداگەرلەر كەڭەسٸ ۇيىمداستىرعان ٸس-شاراعا اۋدانداعى 19 اۋىلدىق وكرۋگ زەينەتكەرلەرٸ ٶز كومانداسىن ەكەلگەن. ولار شاحمات, توعىزقۇمالاق, ٷستەل تەننيسٸ, دويبى جەنە دارتس سيياقتى سپورت تٷرلەرٸنەن جارىستى.
جەتپٸسباي بازىلوۆ روششينسكوە ەلدٸ مەكەنٸنٸڭ تۇرعىنى. زەينەتكەر سپارتاكياداعا توعىزقۇمالاق ويناۋ ٷشٸن كەلٸپتٸ.
«توعىزقۇمالاقتى توقسانىنشى جىلدارى ٷيرەندٸم, وعان دەيٸن بۇل ويىندى بٸلمەدٸك قوي. قازٸر نەمەرەلەرٸمدٸ باۋلىپ جٷرمٸن. سپارتاكياداعا قۋانا-قۋانا كەلدٸم. ٸندەتكە بايلانىستى ەشقايدا شىعا الماي قالدىق قوي. بٷگٸن قانشاما تانىس-جولداستاردى كٶرٸپ, سەرگٸپ قالدىم», - دەيدٸ اۋىل تۇرعىنى.
قىزىلجار اۋدانىندا عانا 9 مىڭنان استام زەينەتكەر بار, سونىڭ 2 مىڭى بەسكٶل اۋىلىندا تۇرادى. بيىل اۋدان ورتالىعىنان ٷش كوماندا قاتىسۋعا ٶتٸنٸش بٸلدٸردٸ, ولاردىڭ ەكەۋٸ – بٸلٸم بەرۋ جەنە قۇقىق قورعاۋ ورگاندارىنىڭ زەينەتكەرلەرٸنەن قۇرىلعان.
«سپارتاكياداعا زەينەتكەرلەرٸمٸز الدىن الا دايىندالادى, كٷتەدٸ. بۇل – ولار ٷشٸن ٷلكەن مەرەكە. داستارحان جايىپ, شەي ەزٸرلەدٸك. تٷسكٸ اس بەرەمٸز. كونتسەرت دايىندادىق. دەسەك تە, پاندەميياعا بايلانىستى بيىل قاتىسۋشىلاردىڭ سانى جىلداعىدان ەكٸ ەسە از, ساقتىق شارالارىن ۇستانۋعا تۋرا كەلٸپ وتىر. بٷگٸنگٸ جەڭٸمپازدارعا, سپارتاكياداعا قاتىسۋشىلارعا سىيلىقتارىمىز بار. ەشقايسى ەسكەرۋسٸز قالمايدى», - دەيدٸ قىزىلجار اۋداندىق ارداگەرلەر كەڭەسٸنٸڭ تٶراعاسى بورانباي قوجاحمەتوۆ.
