فوتو:lafoy.ru
مينيسترلەر كابينەتٸ كارتوپ مەسەلەسٸنە قاتىستى تٷسٸنٸكتەمە بەردٸ, دەپ حابارلايدى Ult.kz.
بٷگٸن ٷكٸمەت وتىرىسى اياسىندا جۋرناليستەردٸڭ الدىنا ساۋدا مينيسترلٸگٸنٸڭ ٶكٸلٸ شىقتى. ساۋدا كوميتەتٸ تٶراعىسىنىڭ ورىنباسارى ەرنۇر جەۋتٸكوۆتىڭ ايتۋىنشا, بيىل رەسەيدە كارتوپ از شىقتى. ٶزبەكستان دا يمپورتتى ايتىرلىقتاي ارتتىردى. سول سەبەپتٸ قازاقستاندىق فەرمەرلەر ٶز ٶنٸمٸن سىرتقا كٶپتەپ ساتا باستادى.
“بٸز كارتوپتى سىرتقا كٶپ ساتتىق. ٶتكەن جىلمەن سالىستىرعاندا 1,5 ەسەگە ارتىق. مەسەلەن, 2023 جىلى 400 مىڭ توننانى ەكسپورتتاساق, بىلتىر بۇل كٶرسەتكٸش 600 مىڭ تونناعا جەتتٸ", - دەدٸ جەۋتٸكوۆ جۋرناليستەرگە بەرگەن سۇحباتىندا. ونىڭ سٶزٸنە قاراعاندا, قازٸرگٸ كەزدە رەسپۋبليكا بويىنشا كارتوپتىڭ ورتاشا باعاسى 322 تەڭگە بولىپ تۇر. ال استانادا ودان قىمبات.
“مەن ٶزٸم كەشە عانا ٸرٸ ساۋدا جەلٸسٸندە كارتوپتىڭ بٸر كەلٸسٸن 430 تەڭگەگە ساتىپ الدىم”,- دەپ اتاپ كٶرسەتتٸ كوميتەت باسشىسىنىڭ ورىنباسارى.
رەسمي مەلٸمەتكە سەيكەس, فەرمەرلەرلە شامامەن 600 مىڭ توننا كارتوپ بار. ال تۇراقتاندىرۋ قورلارىندا 68 مىڭ توننا جاتىر. بۇنىڭ بارلىعى ٸشكٸ سۇرانىستى تولىعىمەن ٶتەي الادى. وعان قوسا, 16 قاڭتاردا قازاقستاندىق كارتوپتى ٷشٸنشٸ ەلدەردە ساتۋعا تىيىم سالىندى. بٸراق ەاەو اياسىندا ساتا بەرۋگە بولادى.
