Foto:lafoy.ru
Ministrler kabineti kartop máselesine qatysty túsinikteme berdi, dep habarlaidy Ult.kz.
Búgin úkimet otyrysy aiasynda jýrnalisterdiń aldyna saýda ministrliginiń ókili shyqty. Saýda komiteti tóraǵysynyń orynbasary Ernur Jáýtikovtyń aitýynsha, biyl Reseide kartop az shyqty. Ózbekstan da importty aityrlyqtai arttyrdy. Sol sebepti qazaqstandyq fermerler óz ónimin syrtqa kóptep sata bastady.
“Biz kartopty syrtqa kóp sattyq. Ótken jylmen salystyrǵanda 1,5 esege artyq. Máselen, 2023 jyly 400 myń tonnany eksporttasaq, byltyr bul kórsetkish 600 myń tonnaǵa jetti", - dedi Jáýtikov jýrnalisterge bergen suhbatynda. Onyń sózine qaraǵanda, qazirgi kezde respýblika boiynsha kartoptyń ortasha baǵasy 322 teńge bolyp tur. Al Astanada odan qymbat.
“Men ózim keshe ǵana iri saýda jelisinde kartoptyń bir kelisin 430 teńgege satyp aldym”,- dep atap kórsetti komitet basshysynyń orynbasary.
Resmi málimetke sáikes, fermerlerle shamamen 600 myń tonna kartop bar. Al turaqtandyrý qorlarynda 68 myń tonna jatyr. Bunyń barlyǵy ishki suranysty tolyǵymen ótei alady. Oǵan qosa, 16 qańtarda qazaqstandyq kartopty úshinshi elderde satýǵa tyiym salyndy. Biraq EAEO aiasynda sata berýge bolady.
