فوتو اشىق دەرەككٶزدەن الىندى
ەلەمنٸڭ مىقتى شاحماتشىلارىنىڭ بٸرٸ, 16-شى ەلەم چەمپيونى ماگنۋس كارلسەن Qatar Masters تۋرنيرٸندە 23 جاستاعى قازاقستاندىق ەلٸشەر سٷلەيمەنوۆتەن كٷتپەگەن جەردەن جەڭٸلٸپ قالدى, دەپ حابارلايدى Sputnik قازاقستان.
"ويىن بارىسىندا ەسەڭگٸرەپ وتىردىم. مەن قارسىلاسىمدى ەشنەرسەگە كٸنەلاعىم كەلمەيدٸ, ول تاڭعاجايىپ ويىن كٶرسەتتٸ جەنە جەڭٸسكە لايىق بولدى, بٸراق ويىن باسىندا قارسىلاسىمنىڭ ساعاتىن كٶرٸپ, كونتسەنتراتسييا جاساۋ قابٸلەتٸمدٸ جوعالتىپ الدىم", - دەپ مەلٸمدەدٸ ماگنۋس كارلسەن Twitter-دە.
"بۇل ويمەن دۇرىس كٷرەسە الماعانىم ٷشٸن جاۋاپكەرشٸلٸكتٸ ٶز موينىما الامىن, بٸراق ۇيىمداستىرۋشىلاردىڭ الاياقتىقپەن كٷرەسۋگە ەلٸ دە بايىپپەن قارامايتىنىن كٶرٸپ قاتتى قىنجىلدىم: ترانسلياتسيياعا ەشقانداي شەكتەۋ جوق, كٶرەرمەندەر ويىن زالىندا سمارتفونمەن جٷر", - دەپ اتاپ ٶتتٸ نورۆەگييالىق.
ەلٸشەر سٷلەيمەنوۆپەن ويىن بارىسىندا كارلسەن, تٸپتٸ, تٶرەشٸدەن ساعات تاعۋعا رۇقسات بار ما دەپ سۇراعان, وعان "اقىلدى" ساعاتتارعا عانا تىيىم سالىنعانىن ايتقان. كارلسەن بۇل جاعداي جوعارى دەڭگەيدەگٸ جارىستار ٷشٸن فيدە ەرەجەلەرٸنە قايشى كەلەدٸ دەپ ەسەپتەيدٸ.
جانجال بۇقارالىق اقپارات قۇرالدارىندا قارقىن العان سوڭ, بٸرنەشە ساعاتتان كەيٸن كارلسەن تاعى بٸر جازبا شىعاردى: "مەن قارسىلاسىمدى الاياقتىق جاسادى دەپ ايىپتاپ جاتقان جوقپىن. مەنٸڭ اتىمدى ايعاي-شۋ ٷشٸن قولدانىپ جاتقانى انىق, بٸراق بۇل - جاعىمسىز نەرسە".
ماگنۋس كارلسەن بٸر جىل بۇرىن دا جانجال شىعارعان: ول 19 جاستاعى امەريكالىق حانس نيماننان جەڭٸلٸپ, تۋرنيردەن شىعىپ قالدى. وعان كومپيۋتەردٸڭ كەڭەسٸن پايدالاندى دەپ تٸكەلەي ايىپ تاقتى.
نيمان ەشقاشان قۋلىق ٸستەمەگەنٸن ايتىپ, ماگنۋس كارلسەنگە قارسى 100 ميلليون دوللارعا سوتقا شاعىم تٷسٸردٸ. كەيٸنٸرەك قارسىلاستار كەلٸسٸمگە كەلدٸ.
