قارقارالى مەملەكەتتٸك ۇلتتىق تابيعي پاركٸ باقتى ورمان شارۋاشىلىعىنداعى شىققان ٶرتتٸڭ جالپى اۋدانى 2 500 گەكتارعا جەتتٸ. سونىڭ ٸشٸندە مەملەكەتتٸك ورمان قورىنىڭ اۋماعى 1 500 گەكتاردى قۇراعان, دەپ حابارلايدى "ۇلت اقپارات" قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار ەلەمٸ كوميتەتٸنە سٸلتەمە جاساپ.
كوميتەتتٸڭ باسپاسٶز قىزمەتٸنٸڭ مەلٸمەتٸنشە, وقيعا ورنىنا 120 ادام (قارقارالى مۇتپ-دان 39 ادام, قاراعاندى وبلىستىق تجد-دان 61 ادام, قاراعاندى وبلىستىق تابيعي رەسۋرستار جەنە تابيعات پايدالانۋدى رەتتەۋ باسقارماسىنان 10 ادام جەنە ت.ب.), 16 ٶرت سٶندٸرۋ ماشيناسى, 3 تراكتور جەنە 2 تٸكۇشاق, سۋ شاشاتىن قۇرىلعىسى بار ٸ سىنىپتى بٸر تٸكۇشاق (مي-8), مي-2 ەكٸنشٸ تٸكۇشاعى ٶرت سٶندٸرۋ قىزمەتٸن ەۋەدەن باقىلاۋعا تارتىلدى.
قارقارالى اۋدانىنىڭ ەكٸمدٸگٸ تٶتەنشە جاعداي رەجٸمٸن جارييالادى.
ٶرت سٶندٸرۋ قىزمەتٸ ٶرتتٸڭ تارالۋىنىڭ الدىن الۋ جۇمىستارىن جٷرگٸزٸپ جاتىر.
ەسكە سالايىق, 12 تامىزدا ساعات 17:26-دا ٶرت سٶندٸرۋ قىزمەتٸنە قاراعاندى وبلىسى قارقارالى اۋدانى ەگٸندٸبۇلاق كەنتٸنەن 30 شاقىرىم قاشىقتىقتا, قارقارالى مەملەكەتتٸك ۇلتتىق تابيعي پاركٸنٸڭ باقتى ورمان شارۋاشىلىعىنىڭ اۋماعىندا قۇرعاق شٶپ جانىپ, ٶرتتٸڭ ورمانعا تارالعانى تۋرالى حابار تٷسكەن.
