الماتى وبلىسىندا بٸر جاستاعى بالا كەرٸز شۇڭقىرىنا قۇلاپ كەتٸپ, مەرت بولدى. قايعىلى جاعداي كەگەن اۋىلىندا بولعان, دەپ حابارلايدى "ۇلت اقپارات".
الماتى وبلىستىق تٶتەنشە جاعدايلار دەپارتامەنتٸ بولعان وقيعاعا بايلانىستى پٸكٸر بٸلدٸردٸ. بالا ويناپ جٷرٸپ, ابايسىزدا كەرٸز شۇڭقىرىنا قۇلاپ كەتكەن.
«وقيعا 21 مامىر كٷنٸ بولعان. 2020 جىلعى بالا جەكە ٷيدٸڭ اۋلاسىنداعى مونشانىڭ كەرٸز شۇڭقىرىنا تٷسٸپ, مەرت بولدى. اتا-انالاردان بالالاردى قاراۋسىز قالدىرماۋدى سۇرايمىز»,- دەپ مەلٸمدەدٸ اتالعان ۆەدومستۆو قىزمەتٸنەن.
ايتا كەتەيٸك, وسىعان ۇقساس قايعىلى جاعداي ٶتكەن ايدا قىزىلوردا قالاسىندا بولدى.ەكٸ كٷن بۇرىن جوعالىپ كەتكەن التى جاسار بالانىڭ مەيٸتٸ 29 سەۋٸر كٷنٸ جەكە ٷيدٸڭ كەرٸز قۇدىعىنان تابىلدى. كٸشكەنتاي ەلتايىر باحىت قۇدىققا ويناپ جٷرٸپ تٷسٸپ كەتۋٸ مٷمكٸن. ٶيتكەنٸ بالانىڭ دەنەسٸنەن زورلىق-زومبىلىق بەلگٸلەرٸ بايقالمايدى دەيدٸ پوليتسەيلەر. قازٸر مەيٸت سوت مەديتسينالىق ساراپتاماسىنا جٸبەرٸلدٸ. التى جاسار ەلتايىر وسىدان ەكٸ كٷن بۇرىن ٷيٸنەن ويناۋعا شىعىپ كەتكەن ەدٸ.
