Almaty oblysynda bir jastaǵy bala káriz shuńqyryna qulap ketip, mert boldy. Qaiǵyly jaǵdai Kegen aýylynda bolǵan, dep habarlaidy "Ult aqparat".
Almaty oblystyq Tótenshe jaǵdailar departamenti bolǵan oqiǵaǵa bailanysty pikir bildirdi. Bala oinap júrip, abaisyzda káriz shuńqyryna qulap ketken.
«Oqiǵa 21 mamyr kúni bolǵan. 2020 jylǵy bala jeke úidiń aýlasyndaǵy monshanyń káriz shuńqyryna túsip, mert boldy. Ata-analardan balalardy qaraýsyz qaldyrmaýdy suraimyz»,- dep málimdedi atalǵan vedomstvo qyzmetinen.
Aita keteiik, osyǵan uqsas qaiǵyly jaǵdai ótken aida Qyzylorda qalasynda boldy.Eki kún buryn joǵalyp ketken alty jasar balanyń máiiti 29 sáýir kúni jeke úidiń káriz qudyǵynan tabyldy. Kishkentai Áltaiyr Bahyt qudyqqa oinap júrip túsip ketýi múmkin. Óitkeni balanyń denesinen zorlyq-zombylyq belgileri baiqalmaidy deidi politseiler. Qazir máiit sot meditsinalyq saraptamasyna jiberildi. Alty jasar Áltaiyr osydan eki kún buryn úiinen oinaýǵa shyǵyp ketken edi.
