
الماتىدا نەجٸستٸ كەرٸز قۇدىعىنا تٶككەن اسسەنيزاتور جٷرگٸزۋشٸسٸ جازالاندى, دەپ حابارلايدى قازاقپارات.
الاتاۋ اۋدانىنا قاراستى «اقبۇلاق» ىقشاماۋدانىنىڭ تۇرعىندارى اباتتاندىرۋ ەرەجەسٸنٸڭ بۇزىلعانىنا بايلانىستى پوليتسيياعا ارىز تٷسٸردٸ.
«تيٸستٸ تەكسەرۋ جٷرگٸزٸلدٸ. نەتيجەسٸندە اسسەنيزاتور جٷرگٸزۋشٸسٸ – 1973 جىلى تۋعان سەمبەكوۆ انىقتالدى. بۇل ەرەكەتٸ ٷشٸن ول قر ەكٸمشٸلٸك قۇقىق بۇزۋ كودەكسٸنٸڭ 505-بابى بويىنشا ەكٸمشٸلٸك جاۋاپقا تارتىلدى. وعان 30 اەك (87 510 تەڭگە) كٶلەمٸندە ايىپپۇل سالىندى», - دەپ جازدى Facebook پاراقشاسىندا الماتى قالالىق پوليتسييا دەپارتامەنتٸ باستىعىنىڭ ورىنباسارى رۋستام ەبدٸراحمانوۆ.
قۇقىق بۇزۋشى جاربۇلاق (كازاچكا) ٶزەنٸنە سارقىن سۋدى زاڭسىز اعىزۋدى انىقتاۋ ٷشٸن ٶتكٸزٸلگەن رەيد كەزٸندە ۇستالدى.