مەملەكەتتٸك حاتشى ەرلان قارين ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ وتىرىسىن ٶتكٸزدٸ, دەپ حابارلايدى قازاقپارات.
جيىندا زەرتتەۋشٸ عالىمدار جٷرگٸزگەن عىلىمي ٸزدەنٸستەردٸڭ نەتيجەلەرٸ, مەملەكەتتٸك كوميسسييانى زاڭدىق جەنە تەرمينولوگييالىق تۇرعىدان قامتاماسىز ەتۋ مەسەلەلەرٸ قارالدى.
مەملەكەتتٸك حاتشى كوميسسييا شەڭبەرٸندە ارحيۆ ماتەريالدارىن ٸزدەۋ مەن تالداۋدىڭ تيٸمدٸ جٷيەسٸ قۇرىلعانىن, تاريحي جەنە عىلىمي قۇجاتتاردىڭ كٶلەمٸ قالىپتاسقانىن اتاپ ٶتتٸ.
سونىمەن قاتار, مەملەكەتتٸك كوميسسييانىڭ 2022 جىلعا ارنالعان جۇمىسىنىڭ باسىم باعىتتارى, اتاپ ايتقاندا, جيناقتالعان ارحيۆ ماتەريالىنا عىلىمي جەنە زاڭدىق باعا بەرۋدٸ ۇيىمداستىرۋ, تەرمينولوگييالىق بازانى قالىپتاستىرۋ, ساياسي قۋعىن-سٷرگٸن قۇرباندارىن اقتاۋ باعىتىنداعى زاڭنامانى جەتٸلدٸرۋگە قاتىستى تۇجىرىمدامالىق قۇجاتتاردىڭ جوبالارىن دايىنداۋ مەسەلەلەرٸ قاراستىرىلدى.
وتىرىس قورىتىندىسى بويىنشا مەملەكەتتٸك حاتشى جوبالىق وفيستٸ ترانسفورماتسييالاۋعا, جۇمىس توپتارىن وڭتايلاندىرۋعا جەنە كوميسسييا قىزمەتٸن جاڭا مٸندەتتەرگە بۇرۋعا قاتىستى بٸرقاتار تاپسىرمالار بەردٸ.
