كەرٸم مەسٸموۆ جۇمىس ساپارىمەن الماتىعا باردى

"مەملەكەت باسشىسىنىڭ تاپسىرماسى بويىنشا قر پرەمەر-مينيسترٸ كەرٸم مەسٸموۆ قالا بيلٸگٸنٸڭ جۇمىسىن باعالاۋ ٷشٸن جۇمىس ساپارىمەن الماتى قالاسىنا باردى", - دەپ حابارلايدى "ۇلت اقپارات".

كەرٸم مەسٸموۆ مۇندا الماتى حالىقارالىق ەۋەجايىنىڭ قاۋٸپسٸزدٸك جٷيەسٸمەن تانىسىپ, ونىڭ ينجەنەرلٸك-تەحنيكالىق تۇرعىدان جابدىقتالعانىن جەنە مەگاپوليستٸڭ تەمٸرجول مەن اۆتوۆوكزالدىڭ انتيتەررورلىق قاۋٸپسٸزدٸگٸن تەكسەرەدٸ.

سونىمەن قاتار, پرەمەر-مينيستردٸڭ كەستەسٸندە «يننوۆاتسييالىق تەحنولوگييالار پاركٸ» ارنايى ەكونوميكالىق ايماعىنا جەنە «بايسەركە اگرو» جشس اگروٶنەركەسٸپتٸك كەشەنٸنە بارۋ جوسپارلانعان.

سونداي-اق, كەرٸم مەسٸموۆ ناۋرىزباي اۋدانىنداعى قارعالى ٶزەنٸنٸڭ ارناسىن جٶندەۋ جۇمىسىن تەكسەرەدٸ. وسىعان دەيٸن ٷكٸمەت وتىرىسىندا پرەمەر-مينيستر الماتى قالاسىنداعى سەلدٸڭ الدىن الۋ بويىنشا جاۋاپتى قالالىق قىزمەت ورىندارىنىڭ جۇمىسىن باقىلاۋدا ۇستاۋعا ۋەدە بەرگەن ەدٸ.

كەرٸم مەسٸموۆ ٶڭٸرلەردٸ دامىتۋ مەملەكەتتٸك باعدارلاماسى بويىنشا  سالىنىپ جاتقان «سايالى» شاعىن اۋدانىندا بولىپ, جاس وتباسىلارعا پەتەر كٸلتٸن تاپسىرادى.

سونىمەن قاتار, پرەمەر-مينيستر قىسقى ۋنيۆەرسياداعا ارناپ سالىنىپ جاتقان نىسانداردا بولىپ, مۇز سارايى مەن اتلەتيكالىق اۋىلدىڭ قۇرىلىسىن قاراپ شىعادى.

كەرٸم مەسٸموۆ سونداي-اق ا. بايتۇرسىنوۆتىڭ ٷي-مۋزەيٸن ارالاۋدى جوسپارلاۋدا.

پرەمەر-مينيسترگە قالا دامۋىنىڭ باس جوسپارى تانىستىرىلادى. جۇمىس ساپارىن قورىتىندىلاي كەلە ول بانك قىزمەتٸ جەنە كەسٸپكەرلٸكتٸ دامىتۋ مەسەلەلەرٸ جٶنٸندە ەكٸ ٷلكەن كەڭەس ٶتكٸزەدٸ.

انىقتاما ٷشٸن:

الماتى – قازاقستان رەسپۋبليكاسىنىڭ ەڭ ٸرٸ مەگوپوليسٸ,  حالقى – 1,7 ميلليوننان استام.

قالا 2015 جىلى جٶٶ كٶلەمٸ بويىنشا بٸرٸنشٸ ورىندا تۇر – 21,2%. مەگوپوليستٸڭ ەكونوميكالىق قۇرىلىمى جاعىنان ساۋدا سەكتورى (30%) جەنە قىزمەتٸ (50%-دان استام). ٶنەركەسٸپ قالانىڭ جٶٶ بويىنشا 5% قۇرايدى, كەسٸپورىنداردىڭ باسىم بٶلٸگٸ تاماق ٶنٸمدەرٸنە باعىتتالعان. الماتى ەكونوميكاسىنىڭ باسىم سەكتورى جوعارى ٶسۋدٸ كٶرسەتەدٸ.

قالانىڭ ٸرٸ لوگيستيكالىق حابىندا باتىس ەۋروپا – باتىس قىتاي حالىقارالىق تاس جولى بار. ەلدٸڭ سىرتقى ساۋدا اينالىمىنىڭ شامامەن 20%-ىن قامتاماسىز ەتەدٸ. الماتى تەك قانا مەملەكەتتٸڭ قارجى-ەكونوميكالىق, عىلىمي جەنە بٸلٸم بەرۋ, ٶنەركەسٸپتٸك جەنە مەدەني ورتالىعى عانا ەمەس بٷكٸل ورتالىق ازييا ايماعىنىڭ ورتالىعى بولىپ ەسەپتەلەدٸ.