قاراسازدا مۇقاعالي ماقاتاەۆتىڭ 90 جىلدىعىن تويلاۋ باستالدى, دەپ حابارلايدى قازاقپارات.
زامانىمىزدىڭ زاڭعار اقىنى مۇقاعالي ماقاتاەۆتىڭ 90 جىلدىق مەرەيتويىنا دايىندىققا الماتى وبلىسى ٶتكەن جىلدان باستاپ كٸرٸسكەن ەدٸ. جالپى مەرەيتويدى ٶتكٸزۋگە جەرگٸلٸكتٸ بيۋدجەتتەن قوماقتى قارجى بٶلٸندٸ. ايتۋلى شاراعا وراي قۇرىلعان ارنايى جۇمىس توبىن وبلىس ەكٸمٸ اماندىق باتالوۆ ٶزٸ باسقارىپ, ەزٸرلٸكتٸ قۇرىلىس جەنە كٶركەيتۋ جۇمىستارىنان باستاعان, ەرٸ ولاردىڭ ساپالى اتقارىلۋىن نازاردا ۇستادى. ەڭ الدىمەن اقىننىڭ تۋعان جەرٸ قاراساز اۋىلى, قاراسازبەن ٸرگەلەس ەلدٸ مەكەن سارىجاز, اۋدان ورتالىعى نارىنقول اۋىلدارى اباتتاندىرىلدى. جولدار جاسالىپ, اۋىز سۋ جٷيەسٸ جاڭعىرتىلىپ, مەدەني نىساندار جٶندەلدٸ, ساياباقتار سالۋ قولعا الىنىپ, ەسكەرتكٸش ورناتىلدى.
جالپى مەرەيتويعا الدىن الا دايىندىق بارىسىندا قاراساز اۋىلىنداعى اقىن مۋزەيٸنە, مەدەنيەت ٷيٸنە, ا.بارمانبەكۇلى اتىنداعى ورتا مەكتەپكە جٶندەۋ جۇمىستارى جاسالىپ, نىساندار جاڭا كەيٸپكە ەندٸ. ەلدٸ مەكەننٸڭ ورتالىق كٶشەلەرٸ, ورتالىق الاڭى اباتتاندىرىلىپ, كٶشە شامدارى ورناتىلدى. اۋىز سۋ جٷيەسٸ «اۋىل – ەل بەسٸگٸ» باعدارلاماسىنىڭ اياسىندا رەسپۋبليكالىق بيۋدجەتتەن بٶلٸنگەن 427,1 ملن. تەڭگەگە قايتا جاڭعىرتۋدان ٶتكٸزٸلٸپ جاتىر. قاراساز اۋىلىندا ٶنەر مەكتەبٸن سالۋ دا – مەرەيتوي اياسىنداعى ماڭىزدى باستامالاردىڭ بٸرٸ. قازٸر نىساننىڭ جوبالىق-سمەتالىق قۇجاتتارى ەزٸرلەنۋدە. اۋىلعا كٸرەبەرٸستەگٸ جاستار ساياباعى اباتتاندىرىلدى. ٸرگەلەس سارىجاز اۋىلىندا رايىمبەك باتىر ەسكەرتكٸشٸنٸڭ ماڭى كٶركەيتٸلٸپ, ەسكەرتكٸش جانىنداعى سۋ جٷيەسٸ جٶندەۋدەن ٶتتٸ, اۋىلدىڭ ورتالىق كٶشەلەرٸ كٶز سٷيسٸنەر كەيٸپكە كەلتٸرٸلدٸ.
بيىلعى جىلى 3 گەكتار اۋماعى بار مۇقاعالي اتىنداعى جاڭا ساياباقتىڭ قۇرىلىسى باستالدى. قۇنى 374,5 ملن. تەڭگەلٸك جوبادا كونتسەرتتٸك ساحنا, شاعىن فۋتبول الاڭى, بالالار الاڭى, ۆوركاۋت سپورت الاڭى, اللەيا, دەمالىس ايماعى قاراستىرىلعان. سول سيياقتى اۋداندىق ەكٸمدٸك عيماراتىنىڭ جانىنان شاعىن ساياباق سالىنا باستادى. ال اۋداندىق مەدەنيەت ٷيٸنٸڭ الدىنداعى سكۆەر جەنە ورتالىق ساياباق اباتتاندىرىلدى.
وسىنداي ٷلكەن دايىندىق جۇمىستارىنىڭ نەتيجەسٸندە كٶپشٸلٸك اسىعا كٷتكەن دەۋٸردٸڭ دارا تۇلعاسىنىڭ 90 جىلدىق تويى بٷگٸن ٶز شىمىلدىعىن تٷردٸ. قاراساز مەدەنيەت ٷيٸندە «مۇقاعالي – عاسىر اقىنى» اتتى عىلىمي-پراكتيكالىق كونفەرەنتسييا ٶتكٸزٸلٸپ, وندا قعا اكادەميياسىنىڭ اكادەميگٸ بايىنقول قاليەۆ, اكادەميك شەرۋباي قۇرمانبايۇلى, بەلگٸلٸ قالامگەر, «مۇقاعالي» جۋرنالىنىڭ باس رەداكتورى باتىق مەجيت, قوعام قايراتكەرٸ, قالامگەر رىسبەك سەرسەمبايۇلى, ەدەبيەت سىنشىسى امانگەلدٸ كەڭشٸلٸكۇلى جەنە باسقا دا عالىمدار مەن قالامگەرلەر اقىننىڭ ٶمٸرٸ مەن شىعارماشىلىعىنا قاتىستى تىڭ دەرەكتەر مەن تەرەڭ تالداۋلارىن ورتاعا سالدى. بٸر اتاپ ٶتەرلٸگٸ, وسى جيىندا باسپا بەتٸن كٶرگەن «مۇقاعالي تٸلٸ سٶزدٸگٸ» كٸتابى تانىستىرىلدى. بۇل كٸتاپتا اقىننىڭ تٸلدٸك قولدانىسىنداعى سٶزدەر مەن سٶز تٸركەستەرٸنٸڭ بارلىعى قامتىلعان.
ال ەرتەڭگٸ نەگٸزگٸ شارالارعا مەملەكەتتٸك حاتشى قىرىمبەك كٶشەرباەۆ, وبلىس ەكٸمٸ اماندىق باتالوۆ, مەدەنيەت جەنە سپورت مينيسترٸ اقتوتى رايىمقۇلوۆا قاتىسادى دەپ كٷتٸلۋدە. ولار جۇرتشىلىقپەن بٸرگە اقىننىڭ مۋزەيٸن ارالاپ, نارىنقولدا مۇقاعاليدىڭ قولادان قۇيىلعان ەڭسەلٸ ەسكەرتكٸشٸن اشىپ, اۋىل ازاماتتارىنا جاڭا سالىنعان تۇرعىن ٷيلەردٸڭ كٸلتٸن تاپسىرادى دەپ كٶزدەلٸپ وتىر.
جالپى «مەن ححٸ عاسىر ۇرپاقتارىنىڭ قۇرداسىمىن. بەلكٸم, ودان ەرٸدەگٸ ۇرپاقتاردىڭ تۋىسىمىن دا…» دەپ بولاشاعىن بولجاپ كەتكەن عاسىر اقىنى مۇقاعاليدىڭ مەرەيتويى اياسىنداعى مەدەني ەدەبي-تانىمدىق شارالار وبلىستا جىل بويى جالعاسىپ جاتىر. بۇل رەتتە بٷگٸنگە دەيٸن مۇقاعاليدىڭ سٶزٸنە جازىلعان ەندەردەن «جىرلايدى جٷرەك» ەنشٸلەر بايقاۋى, سۋرەتشٸلەردٸڭ حالىقارالىق پلەنەرٸ, اقىننىڭ ورىس تٸلٸندە جارىق كٶرگەن «ۆوزۆراششەنيە لاستوچكي» كٸتابىنىڭ جەنە تٷركٸ ەلٸندە ەلەمنٸڭ 6 تٸلٸنە اۋدارىلعان جيناعىنىڭ تۇساۋكەسەرٸ بولدى. سونداي-اق «حانتەڭٸرٸ» تەاترى «اققۋلار ۇيىقتاعاندا» پوەماسىن, ب.ريموۆا اتىنداعى دراما تەاترى «قوش ماحاببات» قويىلىمىن ساحنالاعان بولاتىن.
