جامبىل وبلىسىندا تٶتەنشە جاعداي كەزٸندەگٸ جۇمىستاردى ۇتىمدى ۇيىمداستىرۋ ماقساتىندا وبلىستىق شتاب جانىنان جەدەل ەرەكەت ەتۋ ورتالىعى قۇرىلادى, - دەپ حابارلايدى جامبىل وبلىسى ەكٸمدٸگٸ.
ول تۋرالى وبلىستىق جەدەل شتابتىڭ كەزەكتٸ وتىرىسىندا ايتىلدى. باسقوسۋ بارىسىندا تاراز قالاسىنىڭ ەكٸمٸ ايتقازى قارابالاەۆ كارانتيندٸك رەجيم جاعدايىندا قابىلدانىپ جاتقان شارالار تۋرالى حابارلادى. سونداي-اق, اۋماقتارداعى جاعداي تۋرالى قورداي, مەركٸ جەنە مويىنقۇم اۋداندارىنىڭ ەكٸمدەرٸ رٷستەم دەۋلەت, مەيٸرحان ٶمٸربەكوۆ, مەدەن مۇساەۆ باياندادى.
- جاعداي كٷردەلەنە تٷسۋدە. بۇل بٸزدەن بارىنشا كٷش-جٸگەردٸ, جەدەل شەشٸمدەر مەن ناقتى ٸس-ەرەكەتتەردٸ تالاپ ەتەدٸ. ٶكٸنٸشكە قاراي, بٸزدٸڭ تۇرعىنداردىڭ كٶپشٸلٸگٸ تٶنٸپ تۇرعان قاۋٸپتٸ سەزٸنبەي وتىر. بۇعان تاراز قالاسىنداعى كٶرٸنٸستەر دەلەل بولا الادى. كەشەگٸ كٷننەن باستاپ وبلىس ورتالىعىندا كارانتين جارييالانىپ, ادامدارعا ٶزدەرٸن وقشاۋلاۋ بويىنشا شەكتەۋ ەنگٸزٸلگەن. الايدا قالا كٶشەلەرٸندە اۆتوكٶلٸكپەن جٷرگەندەردٸڭ قاراسى ازايار ەمەس. مۇنداي كارانتيننەن قانداي نەتيجە كٷتۋگە بولادى? – دەپ اتاپ ٶتتٸ وبلىس ەكٸمٸ بەردٸبەك ساپارباەۆ.
سونداي-اق, ايماق باسشىسى بلوكپوستتاردا تيياناقتىلىق جوقتىعىن, ولاردىڭ كەيبٸرەۋٸ ەلٸ كٷنگە دەيٸن تيٸستٸ تٷردە جابدىقتالماعانىنا نازار اۋدارتتى. تارازدا كارانتين جارييالانعاننان كەيٸن قالانىڭ كٸرەبەرٸسٸندە اۆتوكٶلٸك كەپتەلٸسٸ بايقالعان. بۇل مەسەلەنٸ دەرەۋ شەشۋ كەرەكتٸگٸ ايتىلدى. بۇل بانكتەردەگٸ تولاسسىز كەزەكتەرگە دە قاتىستى. ەسٸرەسە تۇرعىندارمەن تىعىز جۇمىس جاسايتىن حالىق بانكٸ بٶلٸمشەرٸندە اتالعان تٷيتكٸل كٶرٸنٸس تابۋدا. تۇرعىنداردى تاماق ٶنٸمدەرٸمەن قامتاماسىز ەتۋ جەنە بٸرٸنشٸ كەزەكتەگٸ قاجەتتٸ تاۋارلاردىڭ باعاسىن باقىلاۋعا بايلانىستى مەسەلەلەر ٶزەكتٸ بولىپ قالۋدا.
جيىندا وبلىستىق شتاب جانىنان جەدەل ەرەكەت ەتۋ ورتالىعى قۇرىلاتىنى ايتىلدى. ول شتابتىڭ جۇمىسشى ورگانى بولادى. ول جەتٸ باعىت بويىنشا جۇمىس ٸستەيدٸ:
- تاراز قالاسى مەن اۋدانداردىڭ بلوك-بەكەتتەرٸنٸڭ, شتابتارىنىڭ جۇمىسىن ٷيلەستٸرۋ;
- مەديتسينالىق, سانيتارلىق-ەپيدەميولوگييالىق قاۋٸپسٸزدٸك;
- ازىق-تٷلٸك قاۋٸپسٸزدٸگٸ;
- جەكە تۇلعالاردىڭ, كٶلٸك پەن تاۋارلاردىڭ قوزعالىسىن باقىلاۋ;
- ەلەۋمەتتٸك قورعاۋ, ەڭبەك قاتىناستارى;
- وبلىستىڭ تىنىس-تٸرشٸلٸگٸن قامتاماسىز ەتۋ;
- حالىقتى اقپاراتتاندىرۋ.
ورتالىقتا ٶڭٸردەگٸ احۋال تۋرالى بارلىق اقپارات جيناقتالىپ, سارالانىپ, ەڭ ٶزەكتٸ مەسەلەلەر بويىنشا الدىن الا شەشٸمدەر ەزٸرلەنٸپ وتىرماق. ورتالىققا تٶراعالىق ەتۋ وبلىس ەكٸمٸنٸڭ بٸرٸنشٸ ورىنباسارى بەكبولات ورىنبەكوۆكە جٷكتەلدٸ.
