ساياساتتانۋشى ەرلان سايىروۆ كارانتيننٸڭ قاجەتتٸگٸن ايتىپ, حالىقتى سابىرعا شاقىردى, – دەپ حابارلايدى «ۇلت اقپارات».
«ون كٷننەن استى, اۋىرىپ جاتقانىما. بۇل اۋىرۋدىڭ القىمى اۋىر. مەنٸڭ ويىمشا, ادامنىڭ ساناسىن ۋلاپ, كٷرەسۋگە دەگەن دەمٸن سۇلاتۋعا تىرىساتىن تەرٸزدٸ. ال ەندٸ, تەمپەراتۋرا كٶتەرٸلٸپ, سانا ۋلانىپ قالعاندا, ەتٸڭدٸ ٸرٸپ جاتسا دا, ادام سٷلەيسوق بولادى ەكەن. دەرٸگەرلەر تٷنٸ جٷرٸپ, دەرٸ- ۋكولىن بەرٸپ, ۇرسىپ جٷرٸپ, سانانى وياتىپ, الىپ شىقتى. قازٸر ٶز جاعدايىم قالىپتى. جالپى, جاعداي كٷردەلٸ دەپ ويلايمىن. ەلٸ دە كٷردەلەنە تٷسۋٸ ىقتيمال. بۇل اۋرۋدىڭ تابيعاتىن تٷسٸنبەي جاتىرمىز. قوعام قاتٸگەزدەنە تٷسسە, جاقسىعا سەنبەسە, بۇل قىزىلكٶزٸڭ ٶرشەلەنە تٷسەدٸ. مەن دە بەس كٷندە كٶرمەگەندٸ كٶردٸم, نەشە تٷرلٸ اۋىر ەلەس بولدى. بٸر جٸپسٸز جاقسىعا دەگەن سەنٸم الىپ شىققان تەرٸزدٸ» دەپ جازادى ەرلان سايىروۆ Facebook پاراقشاسىندا.
ونىڭ ايتۋىنشا, بارىنشا سابىرلى بولعان دۇرىس. بٸر-بٸرٸمٸزدٸ سىيلاپ, مەيٸرٸمگە باۋلۋ كەرەك. بۇل زۇلماتتى ەرقايسىسىمىز جەكە جەڭە الامىز. ول جەڭٸستٸڭ اتى - سابىر, ٶزٸڭدٸ ٶزٸڭ كٷتۋ, باسقانىڭ دەنساۋلىعىنا زييان جاساماۋ.
«دەرٸگەرلەرگە, ەسٸرەسە, كٸشٸ مەدپەرسونالعا راحمەت! مەدسەسترا, سانيتار جٸگٸتتەر ناعىز باتىر. كٷنٸ-تٷنٸ ۇيقى جوق, جٷگٸرٸپ جٷرگەنٸ. بارشا دوستارىما راحمەت. ٶتٸنٸش, پيعىلدى تٷزەيٸك. ۆاكتسينادان باسقا كٸلتيپان دا بار. كٸلت سول جاقتا بولۋى مٷمكٸن. كارانتين قاجەت. ۇجىمدىق جاۋاپكەرشٸلٸك جەنە يممۋنيتەتتٸ نىعايتۋ ماڭىزدى» دەپ تٷيٸندەدٸ سٶزٸن ساياساتتانۋشى.
