Saiasattanýshy Erlan Saiyrov karantinniń qajettigin aityp, halyqty sabyrǵa shaqyrdy, – dep habarlaidy «Ult aqparat».
«On kúnnen asty, aýyryp jatqanyma. Bul aýyrýdyń alqymy aýyr. Meniń oiymsha, adamnyń sanasyn ýlap, kúresýge degen demin sulatýǵa tyrysatyn tárizdi. Al endi, temperatýra kóterilip, sana ýlanyp qalǵanda, etińdi irip jatsa da, adam súleisoq bolady eken. Dárigerler túni júrip, dári- ýkolyn berip, ursyp júrip, sanany oiatyp, alyp shyqty. Qazir óz jaǵdaiym qalypty. Jalpy, jaǵdai kúrdeli dep oilaimyn. Áli de kúrdelene túsýi yqtimal. Bul aýrýdyń tabiǵatyn túsinbei jatyrmyz. Qoǵam qatigezdene tússe, jaqsyǵa senbese, bul qyzylkóziń órshelene túsedi. Men de bes kúnde kórmegendi kórdim, neshe túrli aýyr eles boldy. Bir jipsiz jaqsyǵa degen senim alyp shyqqan tárizdi» dep jazady Erlan Saiyrov Facebook paraqshasynda.
Onyń aitýynsha, barynsha sabyrly bolǵan durys. Bir-birimizdi syilap, meiirimge baýlý kerek. Bul zulmatty árqaisysymyz jeke jeńe alamyz. Ol jeńistiń aty - sabyr, ózińdi óziń kútý, basqanyń densaýlyǵyna ziian jasamaý.
«Dárigerlerge, ásirese, kishi medpersonalǵa rahmet! Medsestra, sanitar jigitter naǵyz batyr. Kúni-túni uiqy joq, júgirip júrgeni. Barsha dostaryma rahmet. Ótinish, piǵyldy túzeiik. Vaktsinadan basqa kiltipan da bar. Kilt sol jaqta bolýy múmkin. Karantin qajet. Ujymdyq jaýapkershilik jáne immýnitetti nyǵaitý mańyzdy» dep túiindedi sózin saiasattanýshy.
