فوتو: mvc-apatit.ru
قاراعاندى وبلىسىنداعى "ساران" شاحتاسىنىڭ قىزمەتكەرلەرٸ ناقتى قانشا جالاقى الاتىنىن ايتتى, دەپ حابارلادى Sputnik قازاقستان ekaraganda.kz پورتالىنا سٸلتەمە جاساپ.
پرەمەر-مينيستردٸڭ ورىنباسارى تامارا دٷيسەنوۆا ايتقان 1,6 ملن-عا جۋىق جالاقىنى شاحتەرلەر بۇرىن-سوڭدى الىپ كٶرمەگەن.
بٸر اپتا بۇرىن پرەمەر-مينيستردٸڭ ورىنباسارى تامارا دٷيسەنوۆا شاحتادا قازا تاپقان كەنشٸلەردٸڭ جالاقىسىن جارييالادى. ونىڭ سٶزٸنشە, كەنشٸلەر ورىنداعان بٸلٸكتٸلٸگٸ مەن فۋنكتسيونالدىعىنا بايلانىستى ايىنا 300 مىڭنان 1,6 ملن تەڭگەگە دەيٸن اقشا العان.
"ساران" شاحتاسىنىڭ قىزمەتكەرلەرٸ دٷيسەنوۆانىڭ دەرەگٸ شىندىققا جاناسپايدى دەپ مەلٸمدەدٸ.
"تاۋ-كەن قازبالارىن ٶتكٸزۋشٸلەر, تاۋ-كەن شەبەرلەرٸ, تاۋ-كەن قازبالارىن جٶندەۋ جٶنٸندەگٸ جۇمىسشىلار – بارلىعى بٸر اۋىزدان ەڭبەكاقىنىڭ شىندىققا جاناسپايتىنىن راستادى. ولاردىڭ سٶزٸنشە, مينيستر ايتقان ەڭبەكاقىنىڭ كەم دەگەندە جارتىسىن الۋ ٷشٸن ەڭ قاۋٸپتٸ جاعدايلاردا جۇمىس ٸستەۋ كەرەك جەنە ەڭ جوعارى رازريادتىڭ شەبەرٸ بولۋ كەرەك", - دەلٸنگەن باسىلىمدا.
"كٷزەمباەۆا", "لەنين", "قازاقستان" جەنە "ساران" شاحتالارىنىڭ قىزمەتكەرلەرٸ ٶزدەرٸنٸڭ ەسەپ ايىرىسۋ پاراقتارىن ۇسىندى. كەنشٸلەر ٶز اتىنان دا, كەسٸپوداق اتىنان دا سٶز سٶيلەدٸ.
"ەشقاشان قازٸرگٸدەي تٶمەن جالاقى بولعان ەمەس, 500 مىڭ, 600 مىڭعا جەتپەيدٸ. بۇل - ەرتٷرلٸ تٶلەمدەردٸ شەگەرمەگەندەگٸ سوما. ونىڭ ٶزٸن تاۋ-كەن شەبەرٸ الادى, ال قاراپايىم جۇمىسشىلار شە? پرەمەر-مينيستر قارا جۇمىسشىلار تۋرالى ايتتتى عوي, ولار مۇنداي جالاقى المايدى. ونداي اقپاراتتى قايدان الدى?"- دەپ پورتال تاۋ-كەن شەبەرٸ تٸلەك ەدٸلمۇراتتىڭ سٶزٸنەن ٷزٸندٸ كەلتٸردٸ.
ال "ساران" شاحتاسى كەسٸپوداق كوميتەتٸنٸڭ تٶراعاسى الەكساندر كراۋس كەنشٸلەردٸڭ ناقتى جالاقىسى 300-دەن 800 مىڭ تەڭگەگە دەيٸن ەكەنٸن ايتقان. بٸراق شاحتەرلەر 800 مىڭ تەڭگە جالاقىنى بەرٸلگەن تاپسىرىستى تولىق ورىنداعاندا عانا الادى.
