لەنين اتىنداعى شاحتادا ورىن العان جازاتايىم وقيعادا زارداپ شەككەن ەكٸ كەنشٸ قاراعاندى وبلىستىق مەديتسينا ورتالىعىنىڭ توكسيكولوگييالىق بٶلٸمشەسٸنە جاتقىزىلدى. ولار قازٸرگٸ ۋاقىتتا ورتاشا اۋىر حالدە جاتىر, دەپ حابارلايدى "ۇلت اقپارات".
لەنين اتىنداعى شاحتادا گاز جەنە كٶمٸر شىعارىندىسى سالدارىنان ەكٸ ادام زارداپ شەكتٸ. قازٸرگٸ ۋاقىتتا ولار قاراعاندى قالاسىنداعى ومو توكسيكولوگييالىق بٶلٸمشەسٸندە جاتىر.
«1969 ج. ت. پاتسيەنت 14 قاڭتار ساعات 03:33-تە اۋرۋحاناعا جەتكٸزٸلدٸ. دياگنوزى: شاحتا گازدارىمەن, ونىڭ ٸشٸندە ورتاشا اۋىرلىقتاعى ۋلى گازبەن جەدەل ينگالياتسييالىق ۋلانۋ. توكسيكولوگييالىق ەنتسەفالوپاتييا. جاعدايى تۇراقتى, ورتاشا اۋىر حالدە.
1997 ج. ت. پاتسيەنت 14 قاڭتار 03:35-تە جەتكٸزٸلدٸ. دياگنوزى: شاحتا گازدارىمەن, ونىڭ ٸشٸندە ورتاشا اۋىرلىقتاعى ۋلى گازبەن جەدەل ينگالياتسييالىق ۋلانۋ. توكسيكولوگييالىق ەنتسەفالوپاتييا. جاعدايى تۇراقتى, اۋىر حالدە», - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ.
ەستەرٸڭٸزگە سالا كەتەيٸك, 2021 جىلدىڭ 13 قاڭتارىندا 21 ساعات 53 مينۋتتا «ارسەلورميتتال تەمٸرتاۋ» اق كٶمٸر دەپارتامەنتٸنٸڭ لەنين اتىنداعى شاحتاسىندا (گوريزونت 340, تەرەڭدٸگٸ 840 مەتر) بارلاۋ ۇڭعىماسىن بۇرعىلاۋ كەزٸندە مەتان گازى مەن كٶمٸردٸڭ ۇساق فراكتسييالارى جوعارى اتىندىسى بولعان ەدٸ.
اتالعان فاكتٸ بويىنشا تەرگەۋ كوميسسيياسى قۇرىلدى.
