فوتو: zakon.kz
قاراعاندى قالاسىندا جاسٶسپٸرٸمدەر اراسىنداعى قاتىگەزدٸك قوعامدى دٷر سٸلكٸندٸردٸ. التى كەمەلەتكە تولماعان جاسٶسپٸرٸم قاتارلاس قىزدى اياۋسىز سوققىعا جىعىپ, اۋىر جاراقات سالعان. وقيعانىڭ بەينەجازباسى ەلەۋمەتتٸك جەلٸلەردە تاراپ, كٶپشٸلٸكتٸڭ اشۋ-ىزاسىن تۋعىزدى, دەپ حابارلايدى Ult.kz.
پوليتسييا مەلٸمەتٸنشە, جانجال باستاپقىدا جاس جٸگٸت پەن قىزدىڭ اراسىندا تۋىنداعان. كەيٸن وعان تاعى بٸرنەشە جاسٶسپٸرٸم قوسىلىپ, جەبٸرلەنۋشٸگە قاساقانا دەنە جاراقاتىن سالعان. سوققى سالدارىنان قىزدىڭ دەنەسٸ قانتالاپ, ايتارلىقتاي زارداپ شەككەن.
جەبٸرلەنۋشٸنٸڭ اتا-اناسى قۇقىق قورعاۋ ورگاندارىنا ارىز تٷسٸرٸپ, قىلمىستىق ٸس قوزعالدى. تەرتٸپ ساقشىلارى التى كٷدٸكتٸنٸ انىقتاپ, بٶلٸمشەگە جەتكٸزدٸ. جانجالدى باستاعان ەكٸ جاسٶسپٸرٸم تەرگەۋ يزولياتورىنا قامالدى.
سونىمەن قاتار, كەمەلەتكە تولماعانداردىڭ اتا-انالارىنا قاتىستى بالالاردى تەربيەلەۋ مٸندەتتەرٸن تيٸسٸنشە ورىنداماعانى ٷشٸن ەكٸمشٸلٸك شارالار قولدانىلدى. بۇل جاعداي جاسٶسپٸرٸمدەر اراسىنداعى قۇقىق بۇزۋشىلىقتىڭ الدىن الۋ جٶنٸندەگٸ كەڭەستە دە قارالدى.
تەرگەۋ اياقتالعان سوڭ كٸنەلٸ دەپ تانىلعان جاسٶسپٸرٸمدەردٸ ارنايى بٸلٸم بەرۋ ۇيىمىنا جٸبەرۋ مەسەلەسٸ قاراستىرىلماق.
بۇل وقيعا قوعامدا جاسٶسپٸرٸمدەر اراسىنداعى زورلىق-زومبىلىقتىڭ الدىن الۋ, اتا-انا جاۋاپكەرشٸلٸگٸ مەن تەربيە مەسەلەسٸن قايتا كٶتەرٸپ وتىر.
