قاراعاندىداعى ساۋدا ورىندارىنىڭ بٸرٸندە كەزەككە تالاسقان ەيەل 18 جاستاعى ساتۋشىنى بٸر ۇرىپ قۇلاتىپ, كەيٸن جاي عانا ايىپپۇلمەن قۇتىلعان, - دەپ حابارلايدى Tengrinews.kz.
شىدامسىز تۇتىنۋشى مەن كاسسيردٸڭ وقيعاسى باقىلاۋ كامەراسىنا تٷسٸپ قالعان.
زارداپ شەگۋشٸنٸڭ تۋىسىنىڭ ايتۋىنشا, قىز قىسقا ٷزٸلٸس كەزٸندە شايعا شوكولاد ساتىپ الايىن دەپ كەتٸپ بارا جاتقاندا, ارتىندا تۇرعان ەيەل دٶرەكٸ سٶزدەر ايتىپ, ونى اسىقتىرعان.
كاسسير جەكە باسقا ٶتپەۋدٸ, ەدەپتٸ بولۋدى سۇراعاندا سوققى الىپ, جەرگە قٷلاعان. قىز العان سوققىسىنان بٸراز ۋاقىت ەسٸن جيناي الماي, ورنىنان تۇرا الماعان.
مەديتسينالىق ساراپتاما دەنساۋلىققا جەڭٸل جاراقات العانىن انىقتاعان. سوندىقتان ٸس ەكٸمشٸلٸك سوتتا قارالىپ, ساتىپ الۋشى تەك ايىپپۇلمەن شەكتەلگەن.
