قاراعاندى تۇرعىنى ٶزٸنٸڭ جاسٶسپٸرٸم ۇلىنا ساۋدا ٷيٸندەگٸ تەرمينالدان جەڭٸل جولمەن كرەديتتٸڭ بەرٸلە سالعانىنا نارازىلىق بٸلدٸردٸ.
تٶلەم قابٸلەتتٸلٸگٸن راستايتىن قۇجاتتى قاجەت ەتپەيتٸن وڭاي اقشانى قايتارۋ وڭاي بولمايتىن سىڭايلى, دەپ حابارلادى Sputnik اگەنتتٸگٸ 5tv.kz-كە سٸلتەمە جاساپ.
سالاۆات زاحارچەنوۆتىڭ ۇلى وسىدان تٶرت اي بۇرىن ساۋدا ٷيٸنٸڭ بٸرٸنە قويىلعان تەرمينالدان كرەديت العان. كەيٸن ول بۇل كرەديتتٸ تٶلەي الماي, دوستارىنان قارىز سۇراپ جٷرگەنٸن ەستٸگەن ەكەسٸ مەن-جايعا قانىق بولعان.
"بالام 8 مىڭ تەڭگە كرەديت العان. ونى بٸز بٸلمەدٸك. مەديتسينالىق, تٶلەم قابٸلەتٸن انىقتايتىن انىقتاما تالاپ ەتپەيدٸ ەكەن. الدىڭ با, بٸتتٸ", - دەپ اشۋلاندى سالاۆات زاحارچەنوۆ.
سوراقىسى سول, مۇنداي تەرمينالدان كرەديت العىڭىز كەلسە, جەكە كۋەلٸگٸڭٸزدٸ اپپاراتقا قويىپ كٶرسەتسەڭٸز بولدى, اقشانى ۇستاتا سالادى. بۇل جەرگە ونى تٶلەي الاتىنىڭىز جٶنٸندە ەشقانداي انىقتاما اپارۋدىڭ كەرەگٸ جوق. الايدا بەرٸلگەن سوماعا ەر كٷن سايىن بٸر پروتسەنتتەن ٷش پروتسەنتكە دەيٸن ٷستەمە قوسىلادى.
سالاۆات بٸرنەشە رەت شاعىمدانعان سوڭ, ونىڭ ۇلىنا قوسىلعان ٷستەماقى توقتاتىلعانىن ايتقان. الايدا بۇعان دەيٸن ەسەپتەلگەن ٷستەماقىنى قوسىپ تٶلەۋگە تۋرا كەلەدٸ.
