بٷگٸن قاراعاندىداعى كٶلدٸڭ بٸرٸندە 17 جاستاعى جاسٶسپٸرٸم سۋعا باتىپ كەتتٸ. قۇتقارۋشىلار ونىڭ دەنەسٸن ەكٸ ساعاتتان سوڭ سۋدان الىپ شىقتى, دەپ حابارلايدى "ۇلت اقپارات".
27 مامىردا ساعات 17: 45-تە قاراعاندى قالاسىنىڭ وڭتٷستٸك-شىعىس پەن كٶگٸلدٸر توعاندار شاعىن اۋدانىنىڭ اراسىنداعى سۋ ايدىنىندا 17 جاسار بالا باتىپ كەتتٸ. قاراعاندى وبلىسى تجد سۋدا قۇتقارۋ قىزمەتٸنٸڭ ماماندارى ونىڭ دەنەسٸن ەكٸ ساعاتتان كەيٸن تاۋىپ, سۋدان شىعاردى.
قۇتقارۋشىلار سۋداعى قاۋٸپسٸزدٸك ەرەجەسٸن ساقتاۋعا شاقىرادى.
ولاردىڭ ايتۋىنشا, جابدىقتالماعان جەرلەردە شومىلۋعا, ماس كٷيدە شومىلۋعا, قايىقتان, ايلاقتاردان, سونداي-اق وسى ماقساتتارعا بەيٸمدەلمەگەن قۇرىلىستاردان سۋعا سەكٸرۋگە, جٷزۋ شەكاراسىنىڭ بەلگٸسٸنەن ارى قاراۋ جٷزۋگە تىيىم سالىنادى.
سونداي-اق ارنالماعان زاتتارمەن جٷزۋگە, سۋ قويماسىن لاستاۋعا, دەمالۋشىلارعا جاراقات سالۋى مٷمكٸن قوقىستاردى جاعالاۋدا جەنە شەشٸنۋ بٶلمەلەرٸندە قالدىرۋعا, ٶتٸرٸك كٶمەككە شاقىرۋعا, ت ەحنيكالىق جابدىقتارعا جەنە ەسكەرتۋ بەلگٸسٸنە شىعۋعا, ٷلكەندەردٸڭ باقىلاۋىنسىز بالالاردىڭ شومىلۋىنا بولمايدى.
