Búgin Qaraǵandydaǵy kóldiń birinde 17 jastaǵy jasóspirim sýǵa batyp ketti. Qutqarýshylar onyń denesin eki saǵattan soń sýdan alyp shyqty, dep habarlaidy "Ult aqparat".
27 mamyrda saǵat 17: 45-te Qaraǵandy qalasynyń ońtústik-shyǵys pen Kógildir toǵandar shaǵyn aýdanynyń arasyndaǵy sý aidynynda 17 jasar bala batyp ketti. Qaraǵandy oblysy TJD Sýda qutqarý qyzmetiniń mamandary onyń denesin eki saǵattan keiin taýyp, sýdan shyǵardy.
Qutqarýshylar sýdaǵy qaýipsizdik erejesin saqtaýǵa shaqyrady.
Olardyń aitýynsha, jabdyqtalmaǵan jerlerde shomylýǵa, mas kúide shomylýǵa, qaiyqtan, ailaqtardan, sondai-aq osy maqsattarǵa beiimdelmegen qurylystardan sýǵa sekirýge, júzý shekarasynyń belgisinen ary qaraý júzýge tyiym salynady.
Sondai-aq arnalmaǵan zattarmen júzýge, sý qoimasyn lastaýǵa, demalýshylarǵa jaraqat salýy múmkin qoqystardy jaǵalaýda jáne sheshiný bólmelerinde qaldyrýǵa, ótirik kómekke shaqyrýǵa, t ehnikalyq jabdyqtarǵa jáne eskertý belgisine shyǵýǵa, úlkenderdiń baqylaýynsyz balalardyń shomylýyna bolmaidy.
