قاراعاندى قالاسى ورتالىق مەشٸتٸنٸڭ يمامى ٶمٸرزاق بەكقوجاعا تۇتقىنعا الىنعان بالانى قۇتقارعانى ٷشٸن ٸٸم بەلگٸسٸ بار قولساعات تابىس ەتٸلدٸ, دەپ حابارلايدى "ۇلت اقپارات".
قاراعاندى وبلىسىنىڭ پوليتسييا دەپارتامەنتٸندە ۆەدومستۆونىڭ جەدەل-قىزمەتتٸك جۇمىسىنىڭ قورىتىندىسىن شىعارۋ بويىنشا كەڭەيتٸلگەن كەڭەس ٶتتٸ.
جيىن بارىسىندا قاراعاندى وبلىسى پد باستىعىنىڭ مٸندەتٸن اتقارۋشى ەرلان فايزۋللين ورتالىق مەشٸت يمامى ٶمٸرزاق بەكقوجانى سالتاناتتى تٷردە ماراپاتتاپ, باسشىلىقتىڭ اتىنان شۇعىل جاعدايدا تۇتقىندى قۇتقارۋدا جوعارى ازاماتتىق ۇستانىمىن تانىتىپ, پوليتسەيلەرگە كٶمەك كٶرسەتكەنٸ ٷشٸن العىس ايتتى.
ەستەرٸڭٸزگە سالا كەتەيٸك, 17 سەۋٸر كٷنٸ 34 جاستاعى قالا تۇرعىنى وتباسىلىق جانجالدان كەيٸن تۋىستارىن پەتەردەن قۋىپ شىعىپ, كٸشكەنتاي قىزىن كەپٸلگە العان بولاتىن. پوليتسەيلەر قاۋٸپسٸزدٸك ٷشٸن قالانىڭ بارلىق شۇعىل قىزمەتٸن جۇمىلدىردى. پد باسشىلىعى كەپٸلگە الىنعان بٷلدٸرشٸندٸ قۇتقارۋ ٷشٸن شۇعىل وپەراتسييا جٷرگٸزدٸ. ۇزاقمەرزٸمدٸ كەلٸسسٶز بارىسىندا ارنايى بٶلٸمشەنٸڭ پوليتسەيلەرٸ يمامنىڭ كٶمەگٸمەن قالانىڭ ورتالىق مەشٸتٸندە قىلمىسكەردٸ زالالسىزداندىرىپ, تۇتقىنعا الىنعان بالانى قۇتقاردى. وپەراتسييا كەزٸندە ەشكٸم زارداپ شەككەن جوق.
ايتا كەتۋ كەرەك, ٶتكەن جىلى قوعامداعى كەلەڭسٸزدٸكتەرگە نەمقۇرايلى قارامايتىن ازاماتتاردىڭ كٶمەگٸمەن 31 قىلمىس اشىلىپ, 480-دەن استام قۇقىق بۇزۋشىلىق انىقتالدى. پوليتسييا دەپارتامەنتٸنٸڭ باسشىلىعى 35 ازاماتتى گراموتامەن ماراپاتتاعان.
