قاراعاندىدا بٸر جارىم جاسار قىز ينەمەن ەمدەۋدە قولدانىلاتىن 5 ينەنٸ جۇتىپ قويعان, دەپ حابارلايدى "ۇلت اقپارات" «حابار 24» سايتىنا سٸلتەمە جاساپ.
اتا-اناسى شاشىلعان زاتتاردى كٶرٸپ, بالانىڭ جايسىز سەزٸنگەنٸن بايقاعان. دەرٸگەرلەر جەدەل وتا جاسادى. حيرۋرگتەر ٷش ينەنٸ اسقازانىنان, ەكەۋٸن – اش ٸشەكتەن تاپقان. وتا سەتتٸ ٶتٸپ, كٸشكەنتاي ناۋقاس اۋرۋحانادان ٷيٸنە شىعارىلدى.
بيىل دەرٸگەرلەر كەمەلەتتٸك جاسقا تولماعان بالالاردىڭ اسقازانىنان 50 رەت تيىن, شەگە, جٷزٸك, باتارەيكا مەن تٷيمەلەر العان. دەرٸگەرلەر وسى جىلى بالا اسقازانىنان ەكٸنشٸ رەت ينە الىپ وتىر. بۇعان دەيٸن حيرۋرگتار 14 جاستاعى قىزعا وتا جاساعان. ول دا ابايسىزدا ينە جۇتىپ قويعان.
